ଭୁବନେଶ୍ୱର: ବାତ୍ୟା 'ଫନି'ର ତାଣ୍ଡବ ପରେ ବାଲୁଖଣ୍ଡ ଅଭୟାରଣ୍ୟର ଥିବା ବିରଳ ଚିତ୍ରା ହରିଣଙ୍କୁ ନେଇ ଉଠିଥିଲା ପ୍ରଶ୍ନ । ସେମାନେ ଜୀବିତ ଅଛନ୍ତି ନା ଅଭୟାରଣ୍ୟ ଛାଡି ପଳାଇଛନ୍ତି ସେନେଇ ସନ୍ଦେହ ସୃଷ୍ଟି ହୋଇଥିଲା । ତେବେ ଆଜି(ବୁଧବାର) ସବୁ କଳ୍ପନା ଜଳ୍ପନାର ଅନ୍ତ ଘଟିଛି ।
ସବୁ ସନ୍ଦେହ ଦୂର କରି ଆଜି(ବୁଧବାର) ସୂଚନା ଓ ଲୋକ ସମ୍ପର୍କ ବିଭାଗ ମଙ୍ଗଳବାର ରାତିରେ ହରିଣଙ୍କ ସିସିଟିଭି ଫଟୋ ଜାରି କରିଛି । ଏହି ଫଟୋ ଗୁଡିକ ମଙ୍ଗଳବାର ବିଳମ୍ବିତ ରାତିରେ ସିସିଟିଭିରେ କଏଦ ହୋଇଛି । ହରିଣଙ୍କ ସମ୍ପର୍କରେ ଜାଣିବା ପାଇଁ ବାଲୁଖଣ୍ଡର ବିଭିନ୍ନ ସ୍ଥାନରେ ସିସିଟିଭି ଲଗାଯାଇଥିଲା ।
ଏହି ଫଟୋ ସୂଚାଇ ଦେଉଛି ଯେ, ବାଲୁଖଣ୍ଡକୁ ପୁଣି ଥରେ ଏହି ବିରଳ ଚିତ୍ରା ହରିଣ ଫେରି ଆସିଛନ୍ତି ।
ଭୁବନେଶ୍ବରରୁ ଅଜିତ କୁମାର ଦାଶ, ଇଟିଭି ଭାରତ
