ହାଇଦ୍ରାବାଦ: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଆସନ୍ତା ଡିସେମ୍ବର 30 ତାରିଖରେ ଆନ୍ଧ୍ର ପ୍ରଦେଶ ଶ୍ରୀହରିକୋଟା ସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ସ୍ପେଡେକ୍ସ ମିଶନ (Spadex Mission) ଲଞ୍ଚ କରିବାକୁ ଯାଉଛି । ଏହି ମିଶନରେ ଦୁଇଟି ଛୋଟ ମହାକାଶ ଯାନ PSLV-C60 ରକେଟ ସାହାଯ୍ୟରେ ଉତକ୍ଷେପଣ କରାଯିବ । ମିଶନ ଯଦି ସଫଳ ହୁଏ, ତେବେ ଭାରତ ମହାକାଶରେ 'ଡକିଙ୍ଗ' ଟେକ୍ନୋଲୋଜି ବ୍ୟବହାର କ୍ଷେତ୍ରରେ ବିଶ୍ବରେ ଆମେରିକା, ଋଷ, ଚୀନ ପରେ ଚତୁର୍ଥ ସଫଳ ଦେଶ ଭାବେ ରେକର୍ଡ କରିବ ।
🛰 PSLV-C60/SPADEX Mission Update 🛰
— ISRO (@isro) December 23, 2024
🚀 Launch scheduled on 30th December 2024, 21:58 IST from SDSC SHAR, Sriharikota.
👀 Witness the launch live at the Launch View Gallery!
🔗 Register here: https://t.co/J9jd8ylRcC
Registration starts: 23rd December 2024, 18:00 IST.#ISRO… pic.twitter.com/s05CHZCzrL
ଏହି ମୁହୂର୍ତ୍ତର ସାକ୍ଷୀ ହେବାକୁ ISRO ଦେଶବାସୀଙ୍କୁ ଆମନ୍ତ୍ରଣ କରିଛି । ଇସ୍ରୋ ୱେବସାଇଟ୍ ଅନୁଯାୟୀ, ପଞ୍ଜୀକରଣ ପରେ ଲୋକେ ଲଞ୍ଚ୍ ଭ୍ୟୁ ଗ୍ୟାଲେରୀରୁ ଲାଇଭ୍ ଲଞ୍ଚିଂ ଦେଖିପାରିବେ । ଏଥିପାଇଁ ପଞ୍ଜୀକରଣ ସୋମବାର ସନ୍ଧ୍ୟା 6ଟାରୁ ଆରମ୍ଭ ହୋଇଛି । ଇସ୍ରୋ ଏହାର X ଆକାଉଣ୍ଟରେ PSLV-C60 ରକେଟକୁ ପ୍ୟାଡକୁ ନିଆଯାଉଥିବାର ଏକ ଭିଡିଓ ମଧ୍ୟ ପୋଷ୍ଟ କରିଛି ।
🚀 Enjoy the fast time-lapse video!
— ISRO (@isro) December 23, 2024
PSLV-C60, fully integrated up to PS4 at the PIF facility for the first time, was moved to the MST at the First Launch Pad—over 3 hours captured in just a few seconds. 🛰️#ISRO #PSLVC60 #SPADEX pic.twitter.com/eaje72wFDD
କଣ Spadex ମିଶନର ଉଦ୍ଦେଶ୍ୟ ?
ଇସ୍ରୋର ଏହି ମିଶନର ଉଦ୍ଦେଶ୍ୟ ହେଉଛି ମହାକାଶରେ କୌଣସି ମହାକାଶ ଯାନକୁ 'ଡକ୍' ଓ 'ଅନଡକ୍' କରିବାର କ୍ଷମତା ପ୍ରଦର୍ଶନ କରିବା । କହି ରଖୁଛୁ କି, ଡକିଂର ଅର୍ଥ ହେଉଛି ଗୋଟିଏ ମହାକାଶଯାନକୁ ଅନ୍ୟ ସହିତ ଯୋଗ କରିବା ଏବଂ ମହାକାଶରେ ସଂଯୁକ୍ତ ଦୁଇଟି ମହାକାଶଯାନର ପୃଥକତାକୁ ଅନଡକିଂ କୁହାଯାଏ । ଚନ୍ଦ୍ରରୁ ନମୁନା ଆଣିବା, ଭାରତୀୟ ମହାକାଶ କେନ୍ଦ୍ର (BAS) ନିର୍ମାଣ ଭଳି ଭାରତର ଉଚ୍ଚାଭିଳାଷୀ ମିଶନ ପାଇଁ ଏହି ଟେକ୍ନୋଲୋଜି ବେଶ ଗୁରୁତ୍ବପୂର୍ଣ୍ଣ ।
🚀 PSLV-C60/SPADEX Update:
— ISRO (@isro) December 21, 2024
The launch vehicle has been integrated and now moved to the First Launch Pad, for further integration of satellites and launch preparations.
Stay tuned for updates on #PSLV-C60 and watch this space for exciting info on the upcoming PSLV-C60/SPADEX… pic.twitter.com/HNUW1SnUdG
Spadex ମିଶନରେ ଅଧିକ କିଛି...
ସ୍ପେଡେକ୍ସ ମହାକାଶ ଯାନକୁ ୟୁଆର ରାୱ ସାଟେଲାଇଟ ସେଣ୍ଟର (URSC) ଦ୍ବାରା ଅନ୍ୟ ଇସ୍ରୋ କେନ୍ଦ୍ର ଯେପରିକି VSSC, LPSC, IISU ଓ LIOS ଦ୍ବାରା ଡିଜାଇନ କରାଯାଇ ନିର୍ମାଣ କରାଯାଇଛି । ସମସ୍ତ ପରୀକ୍ଷଣ ଓ ନିୟମ ପୂରଣ କରିବା ପରେ ଏହି ମହାକାଶ ଯାନକୁ ପ୍ରଥମେ URSC ପରେ SDSCକୁ ନିଆଯାଇସାରିଛି । ଉତକ୍ଷେପଣ ପୂର୍ବରୁ ଏବେ ଏହାର ଅନେକ ପ୍ରସ୍ତୁତି ଓ କିଛି ପରୀକ୍ଷା ନିରୀକ୍ଷା କରାଯାଉଛି । ସ୍ପେଡେକ୍ସ ମିଶନରେ ଦୁଇଟି ଛୋଟ ମହାକାଶ ଯାନ (SDX01 ଓ SDXO2) ରହିଛି, ଯାହାଦ୍ବାରା ମହାକାଶରେ ଡକିଂ ଓ ଅନଡକିଂ ପ୍ରଦର୍ଶନ କରାଯିବ ।
