ଖୋର୍ଦ୍ଧା: ଅର୍ଜୁନପୁର ଗାଁ ନିକଟ ଜଙ୍ଗଲରୁ ଯୁବକଙ୍କ ଗଳିତ ମୃତ ଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ହେଉଛନ୍ତି ଅର୍ଜୁନପୁର ଗାଁର ଦୁଃଶାସନ ମଙ୍ଗରାଜ । ଦୁଃଶାସନ ଚାରି ଦିନ ହେବ ନିଖୋଜ ଥିଲେ । ଆଜି ତାଙ୍କ ମୃତ ଦେହକୁ ଏକ ଜଙ୍ଗଲରୁ ଠାବ କରିଛି ପୋଲିସ ।
ଅର୍ଜୁନପୁର ଗାଁର ଦୁଃଶାସନ ମଙ୍ଗରାଜ ଚାରି ଦିନ ହେବ ନିଖୋଜ ରହିଥିଲେ । ଏନେଇ ପରିବାର ପକ୍ଷରୁ ଥାନାରେ ଏତଲା ଦିଆଯାଇଥିଲା । ପୋଲିସ ଦୁଃଶାସନକୁ ବିଭିନ୍ନ ସ୍ଥାନରେ ଖୋଜା ଖୋଜି କରିବା ପରେ ଆଜି ତାଙ୍କର ଗଳିତ ମୃତ ଦେହ ଠାବ କରିଛି । ଅର୍ଜୁନପୁରୁ ଗାଁ ନିକଟ ଜଙ୍ଗଲରୁ ଦୁଃଶାସନଙ୍କ ଗଳିତ ମୃତ ଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଇଛି ଆଦର୍ଶ ଥାନା ପୋଲିସ ।
ସୂଚନା ଅନୁଯାୟୀ, କିଛି ଦିନ ତଳେ ସ୍ଥାନୀୟ ଯୁବକଙ୍କ ସହିତ ବିବାଦ ହେବାରୁ ଦୁଃଶାସନକୁ ଉଠାଇ ନେଇ ହତ୍ୟା କରିବାକୁ ଧମକ ଦେଇଥିଲେ । ଆଜି ତାଙ୍କ ମୃତ ଦେହ ଉଦ୍ଧାର ପରେ ଏନେଇ ପରିବାର ଲୋକ ଅଭିଯୋଗ ଆଣିଛନ୍ତି । ଘଟଣା ସ୍ଥଳରେ ପୋଲିସ ସହିତ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି ।
ଇଟିଭି ଭାରତ, ଖୋର୍ଦ୍ଧା
