ଖୋର୍ଦ୍ଧା: ପୁରୀରେ ସ୍ଥଳଭାଗ ଛୁଇଁଛି ସାମୁଦ୍ରିକ ଝଡ ଫନି । ଏହାର ପ୍ରଭାବରେ ଖୋର୍ଦ୍ଧା ଜିଲ୍ଲାରେ ଅତି ପ୍ରବଳ ବେଗରେ ପବନ ବହିବା ସହ ଜୋରରେ ବର୍ଷା ଲାଗିରହିଥିଲା । ପବନର ବେଗ ଅତ୍ୟାଧିକ ରହିଥିବା ଯୋଗୁଁ ବିଦ୍ୟୁତ ସେବା ବନ୍ଦ ରହିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ପବନର ପ୍ରଭାବରେ ବହୁ ଗଛ ପଡି ରାସ୍ତା ଅବରୋଧ କରିବା ସହ ବିଦ୍ୟୁତ ଖୁଣ୍ଟ ଗୁଡିକ ମଧ୍ୟ ଉପୁଡି ପଡିଛି । ବାତ୍ୟା ଫନିର କରାଳ ରୂପରେ ବହୁ ଘର ମାଟିରେ ମିଶିଛି । ସେପଟେ ରବି ଫସଲର ମଧ୍ୟ ବ୍ୟାପକ କ୍ଷତି ହୋଇଥିବା ଜଣାପଡିଛି । ପବନର ବେଗ କମିବା ପରେ ପ୍ରଶାସନ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ରାସ୍ତା ସଫା କରାଯାଉଛି । ତେବେ ଫନିର ପ୍ରଭାବରେ ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଥିବା ଆକଳନ କରାଯାଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
