ଖୋର୍ଦ୍ଧା: ଚଳିତ ନିର୍ବାଚନକୁ ନେଇ ଏଥର ଚର୍ଚ୍ଚାର ପରିସର ମଧ୍ୟରେ ରହିଛି ରାଜ୍ୟର ଚର୍ଚ୍ଚିତ ବିଧାନସଭା ଆସନ ବେଗୁନିଆ । ଖୋର୍ଦ୍ଧା ଜିଲ୍ଲାରେ ଅବସ୍ଥିତ ଏହି ନିର୍ବାଚନ ମଣ୍ଡଳୀରେ ଏଥର ଦେଖିବାକୁ ମିଳିବ ହାଇଭୋଲଟେଜ ମୁକାବିଲା । ନିର୍ବାଚନ ମୈଦାନରେ ଲଢେଇ କରିବା ପାଇଁ ତିନି ପ୍ରମୁଖ ଦଳ ଯଥା କଂଗ୍ରେସ, ବିଜେଡି ଏବଂ ବିଜେପି ପ୍ରାର୍ଥୀ ପ୍ରସ୍ତୁତି ଆରମ୍ଭ କରିଦେଇଛନ୍ତି ।
ଏଥର ବେଗୁନିଆ ଆସନରୁ କଂଗ୍ରେସ ପ୍ରାର୍ଥୀ ଭାବେ ନିର୍ବାଚନକୁ ଓହ୍ଳାଇଛନ୍ତି କଂଗ୍ରେସ ପାର୍ଥି ପ୍ରଦୀପ ସାହୁ । ବିଜେପି ପ୍ରାର୍ଥୀ ରିଷଭ ନନ୍ଦ ଓ ବିଜେଡ଼ିର ରାଜେନ୍ଦ୍ର ସାହୁଙ୍କୁ ଟକ୍କର ଦେବାପାଇଁ କଂଗ୍ରେସ ଏଥର ପ୍ରଦୀପଙ୍କୁ ଭରସା କରିଛି । ପୂର୍ବରୁ ଏହି ଆସନ ପାଇଁ ପୃଥୀବଲ୍ଲଭ ପଟ୍ଟନାୟକଙ୍କୁ ପ୍ରାର୍ଥୀ କରିଥିଲା ଦଳ । ମାତ୍ର ସେ ନିର୍ବାଚନ ଲଢିବାକୁ ମନା କରି ଦେଇଥିଲେ।
'ଇଟିଭି ଭାରତ' ପକ୍ଷରୁ ଚାଲିଥିବା ନେତାଙ୍କୁ ପାଞ୍ଚଟି ପ୍ରଶ୍ନ କାର୍ଯ୍ୟକ୍ରମରେ ଆମେ ଭେଟିଥିଲୁ କଂଗ୍ରେସ ପାର୍ଥି ପ୍ରଦୀପ ସାହୁଙ୍କୁ । ନେତାଙ୍କୁ ପାଞ୍ଚଟି ପ୍ରଶ୍ନର ଉତ୍ତର ରଖି ସେ କହିଛନ୍ତି ଯେ, ଏଥର ସ୍ୱାଭିମାନ ଏବଂ ହକ ପାଇଁ ଲଢେଇ ହେବ। ଆଜି ପର୍ଯ୍ୟନ୍ତ ମଧ୍ୟ ଏଠାକାର ଲୋକେ ମୌଳିକ ସୁବିଧାରୁ ବଞ୍ଚିତ। ଯଦି ବିଧାୟକ ଭାବେ ନିର୍ବାଚିତ ହୁଏ ଏ ଦିଗ ପ୍ରତି ବିଶେଷ ଧ୍ୟାନ ଦେବେ।
ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଈଟିଭି ଭାରତ
