ଖୋର୍ଦ୍ଧା: ବିଦ୍ୟୁତ ଦର ବୃଦ୍ଧି ବିରୋଧରେ ତେଜିଛି ପ୍ରତିବାଦ । ଶନିବାର ଏ ନେଇ ଭାରତୀୟ କମ୍ୟୁନିଷ୍ଟ ଦଳ ପକ୍ଷରୁ ରାଜସୁନାଖଳା ବିଦ୍ୟୁତ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ସମଗ୍ର ବିଶ୍ବରେ କୋରୋନା ମହାମାରୀର ଆତଙ୍କ ଦେଖା ଦେଇଥିବା ବେଳେ ରାଜ୍ୟ ସରକାର ବିଦ୍ୟୁତ ଦର ବୃଦ୍ଧିକୁ ବିରୋଧ କରାଯାଉଛି । ଅକ୍ଟୋବରରୁ ଲାଗୁ ବର୍ଦ୍ଧିତ ବିଦ୍ୟୁତ ଦରକୁ ବିରୋଧ କରି ବିଭିନ୍ନ ଦଳ ପକ୍ଷରୁ ବିକ୍ଷୋଭ କରାଯାଇଛି ।
ତେବେ ଲୋକଙ୍କ ଆର୍ଥିକ ଅବସ୍ଥା ଶୋଚନୀୟ ଥିବାବେଳେ, ୟୁନିଟ୍ ପିଛା ୨୦ ପଇସା ଦର ବୃଦ୍ଧି ନିଷ୍ପତ୍ତିକୁ ସରକାର ପ୍ରତ୍ୟାହାର କରି ଖଟିଖିଆ , ମଧ୍ୟମଧ୍ୟବିତ୍ତ ଓ ଆଦିବାସୀ ହରିଜନ ଜନସାଧାରଣଙ୍କୁ ସୁଲଭ ଦରରେ ବିଦ୍ୟୁତ ଯୋଗାଣ ସହ ବାରମ୍ବାର ବିଦ୍ୟୁତ କାଟକୁ ବନ୍ଦ କରିବା ପାଇଁ ଦଳ ଦାବି କରିଛି । ଯଦି ଦାବି ପୂରଣ ହେବନି , ଆଗକୁ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦେଇଛି ଦଳ । ଏହି କାର୍ଯ୍ୟକ୍ରମରେ ସୁମନ୍ତ ଛୋଟରାୟ ବସନ୍ତ କୁମାର ମାର୍ଥୀ, ଧନେଶ୍ଵର ମାର୍ଥୀ ବୁନ୍ଦାବନ ନାୟକ ଭୁବନେଶ୍ବର ମହାନ୍ତି ସହ ବହୁ କର୍ମୀ ବିକ୍ଷୋଭରେ ସାମିଲ ଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
