ଖୋର୍ଦ୍ଧା: ଜିଲ୍ଲା ଟାଙ୍ଗି ବ୍ଲକ ଲେଣ୍ଡୋ ପଞ୍ଚାୟତ ଆସେଲିରେ ହାତୀ ଆତଙ୍କ । ଫସଲ ଜଗିଥିବା ବେଳେ ଦନ୍ତାହାତୀ ଆକ୍ରମଣରେ ଜଣେ ଦମ୍ପତି ଗୁରୁତର ହୋଇଛନ୍ତି ।
ସୂଚନାଅନୁସାରେ, ଜିଲ୍ଲାରେ ଦୀର୍ଘ ଦିନ ଧରି ହାତୀ ଉପଦ୍ରବ ଲାଗି ରହିଛି । ହାତୀ କବଳରୁ ନିଜ ଫସଲକୁ ରକ୍ଷା କରିବାକୁ ଜଣେ ଦମ୍ପତି ନିଜ ବିଲରେ ମୁଗ ଫସଲକୁ ଜଗି ରହିଥିବାବେଳେ ଦନ୍ତାହାତୀ ଆକ୍ରମଣର ଶିକାର ହୋଇଥିଲେ ।
ଆକ୍ରମଣରେ ଗୁରୁତର ହୋଇଥିବା ଦମ୍ପତ୍ତି ହେଲେ ବିରବର ସାହୁ ଓ ସାରାମଣୀ ସାହୁ । ସେମାନଙ୍କୁ ପ୍ରଥମେ ଖୋର୍ଦ୍ଧା ମେଡିକାଲକୁ ସ୍ଥାନାନ୍ତରିତ ପରେ ଅବସ୍ଥା ଅଧିକ ଗୁରୁତର ହେବାରୁ ଦୁଇ ଜଣଙ୍କୁ ଭୁବନେଶ୍ବର ସ୍ଥାନାନ୍ତରିତ କରାଯାଇଛି। ଜିଲ୍ଲାରେ ଦିନକୁ ଦିନ ହାତୀ ଆତଙ୍କ ବଢିବାରେ ଲାଗିଛି । ହାତୀପଲଙ୍କୁ ଜଙ୍ଗଲକୁ ତଡିବାରେ ବିଫଳ ହୋଇଛି ବନବିଭାଗ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
