ଖୋର୍ଦ୍ଧା: କୋରୋନା ମହାମାରୀ ଲୋକଙ୍କ ଜୀବନଜୀବିକା ପ୍ରଭାବ ପକାଇଛି । ବାଣିଜ୍ୟ ବ୍ୟବସାୟ ଏକ ପ୍ରକାର ଠପ ହୋଇଯାଇଛି । ଏଥିରୁ ବାଦ ପଡିନି ଟେଣ୍ଟ ହାଉସ । କୋରୋନା କଟକଣା ଯୋଗୁଁ ପ୍ରାୟ ୩ ମାସ ଧରି ଟେଣ୍ଟ ହାଉସ ବ୍ୟବସାୟୀ ଏବଂ କର୍ମଚାରୀ ମାନେ ରୋଜଗାର ହରାଇଛନ୍ତି ।
କୋରୋନା ଛଡେଇ ନେଇଛି ରୋଜଗାର, ସହାୟତା ପାଇଁ ନିବେଦନ
ଖୋର୍ଦ୍ଧା ଜିଲ୍ଲାରେ ବହୁ ଲୋକ ଭଲ ବ୍ୟବସାୟ ଲକ୍ଷ ରହି ଲକ୍ଷାଧିକ ଟଙ୍କା ବିନିଯୋଗ କରି ଟେଣ୍ଟ ହାଉସ ଓ ଡିଜେ ସାଉଣ୍ଡ କରି ବହୁ ବେରୋଜଗାର ଲୋକଙ୍କୁ କର୍ମସଂସ୍ଥାନ ଯୋଗାଇ ଦେଇଥିଲେ । କିନ୍ତୁ କୋରୋନା ପାଇଁ ପୂଜା ପାର୍ବଣ, ବିବାହ, ବ୍ରତ ଓ ଅନ୍ୟ କର୍ଯ୍ୟା ମାନ ବନ୍ଦ ହେବାରୁ ବ୍ୟବସାୟୀ ଏବଂ କର୍ମଚାରୀଙ୍କ ରୋଜଗାର ସମ୍ପୂର୍ଣ୍ଣ ରୂପେ ଠପ ହୋଇଯାଇଛି । ସେମାନଙ୍କର ପରିବାର ଏବେ ଆର୍ଥିକ ସଙ୍କଟ ଦେଇ ଗତିକରୁଛି । ସରକାର ସେମାନଙ୍କୁ ସହଯୋଗ କରିବାକୁ ସେମାନେ ନିବେଦନ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
