ଭୁବନେଶ୍ବର: ବହୁ ଚର୍ଚ୍ଚିତ ଲେଡି ବ୍ଲାକମେଲର ଅର୍ଚ୍ଚନା ନାଗ ମାମଲାରେ ଆଜି (ଗୁରୁବାର) ଦ୍ବିତୀୟ ଥର ପାଇଁ ଇଡିରେ ହାଜର ହେଲେ ପବିତ୍ର ପାତ୍ର । ଇଡିରେ ହାଜର ହୋଇ ତଥ୍ୟ ରଖିଛନ୍ତି ଅର୍ଚ୍ଚନାଙ୍କ କଣ୍ଟ୍ରାକ୍ଟର । ଆକାଉଣ୍ଟରେ ହୋଇଥିବା କାରବାର ନେଇ ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହୋଇ ତଥ୍ୟ ରଖିଛନ୍ତି ।
କ୍ୟାସ ଓ ଆକାଉଣ୍ଟରେ ହୋଇଥିବାର ତଥ୍ୟ ମଧ୍ୟ ଦେଇଛନ୍ତି ପବିତ୍ର ପାତ୍ର । ୪୦ଲକ୍ଷ ଟଙ୍କାର ଟ୍ରାଞ୍ଜାକ୍ସନ ହୋଇଥିବା ସେ ମାନିଛନ୍ତି । କ୍ୟାସ ଓ ଆକାଉଣ୍ଟରେ କାରବାର ହୋଇଛି । ଅର୍ଚ୍ଚନାଙ୍କ କୋର ହାଉସର କାମ ପବିତ୍ର କରିଥିବାରୁ ଟଙ୍କା କାରବାର ହୋଇଥିଲା । ପବିତ୍ରଙ୍କ ତଥ୍ୟ ଅନୁସାରେ ଇଡି ଖୋଳତାଡ଼ କରୁଛି । ପୂର୍ବରୁ ପବିତ୍ରଙ୍କୁ ୧୨ଘଣ୍ଟା ଧରି ଜେରା ହୋଇଥିଲେ । ୨ୟ ଥର ହାଜର ପରେ କିଛି ଟଙ୍କା ନେଣଦେଣର କାରବାର ସମ୍ପର୍କରେ ସୂଚନା ଦେଇଛନ୍ତି ପବିତ୍ର । ତେବେ ଘର କାମରେ ହୋଇଥିବା ମ୍ୟାଟେରିଆଲ ପେମେଣ୍ଟ ସହ ଅର୍ଚ୍ଚନାଙ୍କ ସହ ହୋଇଥିବା କାରବାରର ତଥ୍ୟ ଦେଇଛନ୍ତି । ଏପରିକି ଘରେ ବ୍ୟବହାର ହୋଇଥିବା ସିମେଣ୍ଟ ରଡ଼, ବାଲି ଓ ଅନ୍ୟାନ୍ୟ ସାମଗ୍ରୀ ପାଇଁ ପେମେଣ୍ଟ କରାଯାଇଥିବା ଦୋକାନର ମଧ୍ୟ ତଥ୍ୟ ଦେଇଛନ୍ତି । ତେବେ କେତେ ଟଙ୍କା କାରବାର ହୋଇଛି କିଭଳି ସବୁ ପେମେଣ୍ଟ ହୋଇଛି ସେସବୁ ଇଡି ଆଗରେ କହିଛନ୍ତି । ଯାହାକୁ ନେଇ ଇଡି ତନାଘନା ଚଳାଇଛି ।
ଇଟିଭି ଭାରତ, ଭୁବନେଶ୍ବର
