ଗୋରୁ ବୋଝେଇ କଣ୍ଟେନର ଜବତ: ୩ ଗିରଫ

ବେଗୁନିଆ ଥାନା ଅଞ୍ଚଳରୁ ଗୋରୁ ବୋଝେଇ କଣ୍ଟେନର ଜବତ । ଏହାସହ ୩ ଜଣଙ୍କୁ ବାନ୍ଧିଛି ପୋଲିସ । ଅଧିକ ପଢନ୍ତୁ

ଖୋର୍ଦ୍ଧା : ଜିଲ୍ଲା ବେଗୁନିଆ ଥାନା ଅଞ୍ଚଳରେ ମାତିଛନ୍ତି ଗୋ ମାଫିଆ । ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅଞ୍ଚଳରୁ ଗୋରୁ ବୋଝେଇ କଣ୍ଟେନର ଜବତ । ଏହାସହ ୩ ଜଣଙ୍କୁ ବାନ୍ଧିଛି ପୋଲିସ । ଘଟଣାର ଅଧିକ ତଦନ୍ତ ଜାରି ରହିଛି ।

ସୂଚନା ଅନୁସାରେ, ରବିବାର ବିଳମ୍ବିତ ରାତିରେ ଗୋ ମାଫିଆମାନେ ଏକ କଣ୍ଟେନରରେ ଗୋ ଚାଲାଣ କରୁଥିବା ଖବର ପାଇଥିଲା ବେଗୁନିଆ ପୋଲିସ । ଖବର ପାଇ 48 ରାଜ୍ୟ ରାଜପଥର ବଡବେରଣା ନିକଟରେ ଚଢ଼ାଉ କରି ଗୋରୁ ବୋଝେଇ କଣ୍ଟେନର ଉପରେ ଚଢାଉ କରିଥିଲା । ଏହାସହ 35 ଗୋରୁଙ୍କୁ ଉଦ୍ଧାର କରିବା ସହ ୩ ଗୋରୁ ମାଫିଆଙ୍କୁ ଗିରଫ କରିଥିଲା । ତେବେ ଏହି ଗୋରୁ ବୋଝେଇ କଣ୍ଟେନର କୁଶୁପଲ୍ଲାରୁରୁ ଆଠଗଡ ଅଭିମୁଖେ ଯାଉଥିଲା । ପୋଲିସ ଗାଡିକୁ ଜବତ କରିବା ସହିତ ସେଥିରେ ଥିବା ଗୋରୁଙ୍କୁ ପୁଲିସ ଉଦ୍ଧାର କରି ଭୁବନେଶ୍ବର ସିଜୁଆଠାରେ ଥିବା ଗୋଶାଳାକୁ ପଠାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ