ଭୁବନେଶ୍ବର: ଧାମନଗର ଉପନିର୍ବାଚନ ପାଇଁ ହାତରେ ଆଉ ଦିନ କେଇଟା ଦିନ ବାକି । ଏହି ଉପନିର୍ବାଚନକୁ ନେଇ ଏକ ବଡ଼ ଭବିଷ୍ୟବାଣୀ କରିଥିଲେ ବରିଷ୍ଠ ବିଜେଡି ନେତ୍ରୀ ପ୍ରମିଳା ମଲ୍ଲିକ । ଧାମନଗରରେ ବିଜେଡି ୨୫ରୁ ୩୦ ହଜାର ଭୋଟରେ ବିଜୟୀ ହେବା କଥା କହିଥିଲେ । ପ୍ରମିଳାଙ୍କ ଏହି ବୟାନକୁ ନେଇ କଂଗ୍ରେସ ନେତା ଦେବାଶିଷ ପଟ୍ଟନାୟକ ପ୍ରତିକ୍ରିୟା ରଖିଛନ୍ତି ।
ଦେବାଶିଷ ପଟ୍ଟନାୟକ କହିଛନ୍ତି, "ପ୍ରମିଳା ମଲ୍ଲିକ ରାଜ୍ୟର ଉପନିର୍ବାଚନ ଇତିହାସ କଥା ଜାଣିନାହାନ୍ତି । ବିଜେଡି ସରକାର ବେଳେ ଲକ୍ଷ୍ମୀପୁର ଉପନିର୍ବାଚନରେ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି । ଆହୁରି ଦୁଇଟି ସ୍ଥାନରେ ମଧ୍ୟ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି । ଏଣୁ ସେ ଇତିହାସ ପୁଣି ଥରେ ଅବଲୋକନ କରିବା ଆବଶ୍ୟକ । ଏହାରି ମଧ୍ୟରେ ମନ୍ତ୍ରୀ ପ୍ରମିଳା ମଲ୍ଲିକ କେବେ ଜ୍ୟୋତିର୍ବିଦ ହେଲେ ତାହା ମୁଁ ଜାଣିନି । ନବୀନ ବାବୁଙ୍କ କୋଟେରୀ କୁ ଖୁସି କରିବା ପାଇଁ ଏଭଳି କହିପରିଥାନ୍ତି ପ୍ରମିଳା । ହୁଏତ ବିଜେଡି ଭୋଟ ବାକ୍ସ ବଦଳାଇବ । ଭୋଟ ଟାମ୍ପରିଂ କରିବ, ଏଣୁ ସେମାନେ ଭବଷ୍ୟବାଣୀ କରୁଛନ୍ତି । ବିଜେଡିରେ ପ୍ରଥମ ଥର ପାଇଁ ବିଦ୍ରୋହ ଆରମ୍ଭ ହେଲା । ଏହା ବିଜେଡିର ଅନ୍ତର ଆରମ୍ଭ ।"