ଖୋର୍ଦ୍ଧା: କୋରୋନା ମହାମାରୀକୁ ମୁକାବିଲା କରିବା ପାଇଁ ଦିନରାତି ଏକ କରିଦେଇଛନ୍ତି ଆମ ଦେଶର ପୋଲିସ,ପ୍ରଶାସନ,ଡାକ୍ତର,ସଫେଇ କର୍ମଚାରୀ ଓ ସାମ୍ବାଦିକ । ଏମାନେ କୌଣସି ଯୋଦ୍ଧା ଠାରୁ କମ ନୁହଁନ୍ତି l ଏମାନଙ୍କ ମନୋବଳ ବୃଦ୍ଧି କରିବା ଲକ୍ଷ୍ୟରେ ଆଜି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ପକ୍ଷରୁ କରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯାଇଛି ।
ଏବିଭିପି କାର୍ମକର୍ତ୍ତାଙ୍କ ଦ୍ୱାରା କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା
ଖୋର୍ଦ୍ଧା ଜିଲ୍ଲା ବାଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ସମସ୍ତ ଡାକ୍ତର,କର୍ମଚାରୀ ,ପୋଲିସ କର୍ମଚାରୀ, ବିଡ଼ିଓ ଓ ତହସିଲଦାରଙ୍କୁ ଏବିଭିପି କାର୍ଯ୍ୟକର୍ତ୍ତା ଆଳତି କରି, ପୁଷ୍ପ ଚନ୍ଦନ ଲଗାଇ, ପ୍ରଶଂସା ପତ୍ର ଦେଇ ସମ୍ମାନିତ କରାଯାଇଛି l ସେମାନେ ଦେବଦୁତ ସଦୃଶ୍ୟ ନିଜ ପରିବାରକୁ ପଛରେ ପକାଇ, ଜୀବନକୁ ବାଜି ଲଗାଇ ଆମ ସମାଜକୁ ସୁରକ୍ଷା ଦେଇ ଆସୁଛନ୍ତି । ଏମାନଙ୍କର ଏହି ବଳିଦାନକୁ ସାରା ଭାରତବର୍ଷ ଯୁଗ ଯୁଗ ଧରି ମନେ ରଖିବ ବୋଲି ଏବିଭିପି ପକ୍ଷରୁ କୁହାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
