ଖୋର୍ଦ୍ଧା: ରାଜ୍ୟ ସରକାର ଛଟେଇ କରିଥିବା 4 ହଜାର କମ୍ପ୍ୟୁଟର ଶିକ୍ଷକଙ୍କୁ ପୁନଃନିଯୁକ୍ତି ଦାବିରେ କମ୍ପ୍ୟୁଟର ଶିକ୍ଷକଙ୍କ ଧାରଣା । ଏପରି ଘଟଣା ଦେଖିବାକୁ ମିଳିଛି ଖୋର୍ଦ୍ଧାରେ । ଆଜି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଖୋର୍ଦ୍ଧା ଆଇସିଟି ବିଦ୍ୟାଳୟ ସଂଯୋଜକ ସଂଘର ସଦସ୍ୟମାନେ।
ପୁନଃନିଯୁକ୍ତି ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନରେ କମ୍ପ୍ୟୁଟର ଶିକ୍ଷକଙ୍କ ବିକ୍ଷୋଭ
4 ଦଫା ଦାବିରେ ଛଟେଇ ଶିକ୍ଷକମାନେ ଏହି ମହାମାରୀ ସମୟରେ ଅନଲାଇନ ଶିକ୍ଷାକୁ ତ୍ବରାନ୍ବିତ କରିବା ପାଇଁ ପୁନଃ ନିଯୁକ୍ତି ଦାବି କରିଛନ୍ତି । ସେହିପରି ଶିକ୍ଷକଙ୍କ ନିଯୁକ୍ତିରେ ଘରୋଇକରଣ ନକରି ସରକାରୀ ସ୍ତରରେ ନିଯୁକ୍ତି ଭଳି ପ୍ରକ୍ରିୟା ଆପଣାଇବା ପାଇଁ 4 ଦଫା ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରିଛି ସଂଘ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା , ଇଟିଭି ଭାରତ
