ଖୋାର୍ଦ୍ଧା: ବାତ୍ୟା ଫନିକୁ ବିତିଗଲାଣୀ ମାସେରୁ ଊର୍ଦ୍ଧ୍ବ ସମୟ । ହେଲେ ଦେଖା ନାହିଁ ସହାୟତା । ବାତ୍ୟା ବିପନ୍ନ ଆଜି ବି ଭଙ୍ଗାଘର ସଜାଡୁଥିବା ବେଳେ ସରକାରଙ୍କ ପକ୍ଷରୁ କେବଳ ମିଳିଛି ପଲିଥିନ । ଆଗକୁ ପୁଣି ଲଘୁଚାପ ଜନିତ ବର୍ଷା ଆସୁଥିବା ବେଳେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି ଖୋର୍ଦ୍ଧା ବିପନ୍ନ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ମୌସୁମୀ ଆସିବା ଆଗରୁ ବଙ୍ଗୋପସାଗରରେ ସୃଷ୍ଟି ହୋଇଛି ଘୂର୍ଣ୍ଣିବଳୟ । ଫଳରେ ରାଜ୍ୟର କେତେକ ସ୍ଥାନରେ ଲଘୁଚାପ ଆଶଙ୍କା କରାଯାଉଛି । ଗରମରୁ ଲଘୁଚାପ ଆଶ୍ବସ୍ତ ଦେବା ବଦଳରେ ଫନି ବିପନ୍ନଙ୍କ ଚିନ୍ତା ବଢାଇଛି । ବାତ୍ୟା ଆସି ଯିବାର ମାସେ ଉପରେ ସମୟ ହୋଇଗଲାଣି । ହେଲେ ବିପନ୍ନଙ୍କୁ ମିଳିପାରିଲା ନାହିଁ ସହାୟତା । ଯେଉଁ ପଲିଥିନ ମିଳିଥିଲା ତାହା କାଳବୈଶାଖୀ ଉଡାଇ ନେଇଛି । ଫଳରେ ଆଗାମୀ ଦିନରେ ଆହୁରି ହଇରାଣ ହରକତର ସାମ୍ନା କରିବାକୁ ପଡିବ । ତେଣୁ ଏହାର ତୁରନ୍ତ ସମାଧାନ ଲାଗି ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି ବିପନ୍ନ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
