ପୋଲିସ ହାତରେ ବ୍ରାଉନସୁଗାର ବେପାରୀ

ବ୍ରାଉନସୁଗାର ବେପାର କରୁଥିଲେ ଦୁଇ ଭାଇ । କଳା ସାମ୍ରାଜ୍ୟ ବିସ୍ତାର ବେଳକୁ ଘାତକ ସାଜିଲା ପୋଲିସ । ଜବତ କଲା 6.92 ଗ୍ରାମର ବ୍ରାଉନସୁଗାର ।

ଖୋର୍ଦ୍ଧା: ଜଟଣୀ ଥାନା ପୋଲିସ ବାଲିସାହି ଅଂଚଳରେ ଚଢ଼ାଉ କରି ଦୁଇ ବ୍ରାଉନସୁଗାର ବେପାରୀଙ୍କୁ ଗିରଫ କରିଛି । ସେମାନେ ହେଲେ ଜଟଣୀ ମଧୁସୂଦନ ନଗରର ଦୁଇଭାଇ ମୁନା ପ୍ରଧାନ ଓ ପ୍ରମୋଦ ପ୍ରଧାନ ।

ସୋମବାର ଜଟଣୀ ଥାନା ପୋଲିସ 6.92 ଗ୍ରାମ ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ମୂଲ୍ୟ 6900 ଟଙ୍କା ହେବ ବୋଲି ଜଟଣୀ ପୋଲିସ ସୂଚନା ଦେଇଛି । ଗିରଫ ଦୁଇ ଭାଇଙ୍କୁ ପୋଲିସ ଗିରଫ କରିବା ସହିତ କୋର୍ଟ ଚାଲାଣ କରିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ