ଖୋର୍ଦ୍ଧା : ଖୋର୍ଦ୍ଧା ଏବଂ ଏହାର ଆଖପାଖ ଅଞ୍ଚଳରେ ବଢି ଚାଲିଛି ବ୍ରାଉନସୁଗାର କାରବାର । ଯୁବପିଢ଼ିମାନେ ଏହି କାରବାର କରି ରାତାରାତି ବଡ଼ ଲୋକ ହେବାକୁ ସ୍ୱପ୍ନ ଦେଖୁଛନ୍ତି । କିନ୍ତୁ ଏହି ବ୍ରାଉନସୁଗାର ବ୍ୟବସାୟୀଙ୍କ ଉପରେ କଡ଼ା ନଜର ରଖି ସେମାନଙ୍କୁ ଗିରଫ କରିଛି ଖୋର୍ଦ୍ଧା ପୋଲିସ ।
ଏହିକ୍ରମରେ ଆଜି ଖୋର୍ଦ୍ଧା ଆଦର୍ଶ ଥାନା ପୋଲିସ ଭଲିଆବାଡ଼ି ହାତୀଆଶୁଣି ସାହିରେ ପହଁଞ୍ଚିଥିଲା । ସେଠାରେ ରାଜେଶ ପଟ୍ଟନାୟକ ବ୍ରାଉନସୁଗାର ବିକ୍ରି କରୁଥିବା ସମୟରେ ପୋଲିସ ତାକୁ ଗିରଫ କରିଛି । ଏହାସହ ରାଜେଶ ଠାରୁ ୨୦.୧୫ ଗ୍ରାମ ବ୍ରାଉନ ସୁଗାର ସହ ନଗଦ ୩ ଲକ୍ଷ ୫୧ ହଜାର ୨ଶହ ଟଙ୍କା ଓ ବାଇକ ଜବତ କରିଥିବା ଆଦର୍ଶ ଥାନା ଅଧିକାରୀ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
