ଖୋର୍ଦ୍ଧା: ଧଳାଜହର କବଜାରେ ଖୋର୍ଦ୍ଧା ସହର । ଅବକାରୀ ବିଭାଗ ଏବଂ ଜିଲ୍ଲା ପୋଲିସ ବ୍ରାଉନସୁଗାର ବେପାରୀଙ୍କୁ ଗିରଫ କରି ଜେଲକୁ ପଠାଉଥିଲେ ମଧ୍ୟ ଏହି ବେପାର କମିବାର ନା ଧରୁନି ଖୋର୍ଦ୍ଧା ଅଞ୍ଚଳରେ । ଏବେ ପୁଣିଥରେ ଅବକାରୀ ବିଭାଗ ହାତରେ ଧରାପଡିଛି ବ୍ରାଉନ ସୁଗାର ବ୍ୟବସାୟୀ । ଅଭିଯୁକ୍ତ ନିକଟରୁ 18 ଗ୍ରାମ ବ୍ରାଉନ ସୁଗାର ଜବତ କରାଯାଇଛି ।
ଲକ୍ଷାଧିକ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ
ଶୁକ୍ରବାର ସକାଳୁ ଖୋର୍ଦ୍ଧା ଅବକାରୀ ବିଭାଗ ବାଘମାରି ଥାନା ଅନ୍ତର୍ଗତ କୋଟପଲ୍ଲା ଗାଁରେ ଚଢ଼ାଉ କରି ମହେଶ୍ବର ବେହେରା ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି । ତାଙ୍କଠାରୁ 18ଗ୍ରାମ ବ୍ରାଉନସୁଗାର ଜବତ କରିଛି ଅବକାରୀ ବିଭାଗ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ 1 ଲକ୍ଷ 80 ହଜାର ଟଙ୍କା ହେବ ବୋଲି ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
