ଖୋର୍ଦ୍ଧା: ଖୋର୍ଦ୍ଧା ଆଦର୍ଶ ଥାନା ଅଞ୍ଚଳରେ ବଢ଼ୁଛି ଧଳାଜହର କାରବାର । ଲକଡାଉନ ସଟ୍ଡାଉନର ସୁଯୋଗ ନେଇ ଯୁବପିଢ଼ି ଏବେ ବ୍ରାଉନସୁଗାର କାରବାରରେ ଲିପ୍ତ ଥିବାର ଦେଖିବାକୁ ମିଳିଛି । ବୁଧବାର ଖୋର୍ଦ୍ଧା ଆଦର୍ଶ ଥାନା ସାମନ୍ତରାପୁର ଅଞ୍ଚଳରେ ଥିବା ସ୍ୱପ୍ନେଶ୍ୱର ବସ୍ତିରେ ଚଢ଼ାଉ କରି 55 ଗ୍ରାମ ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ମୂଲ୍ୟ ଅଢ଼େଇ ଲକ୍ଷ ବୋଲି ପୋଲିସ କହିଛି ।
ଅଢ଼େଇ ଲକ୍ଷ ଟଙ୍କାର ବ୍ରାଉନସୁଗାର ଜବତ : ଦୁଇ ଗିରଫ
ସେହିପରି ଚଢ଼ାଉବେଳେ ଗୋଟିଏ 13 ଲକ୍ଷ ଟଙ୍କାର ଦାମୀ କାର, 20 ହଜାର 300 ନଗଦ ଟଙ୍କା ଓ ତିନୋଟି ଦାମୀ ମୋବାଇଲ ଫୋନ ଜବତ ହୋଇଛି । ଦୁଇ ଜଣ ଯୁବକ ଗିରଫ ହୋଇଛନ୍ତି । ସେମାନେ ହେଲେ ସ୍ୱପ୍ନେଶ୍ୱର ବସ୍ତିର ସରତ ବେହେରା ଓ ଭରତ ବେହେରା । ଏମାନେ ଦୀର୍ଘ ଦିନ ହେବ କାରବାର କରୁଥିବାର ପ୍ରାଥମିକ ତଦନ୍ତରୁ ଜଣାପଡିଛି ।
ତେବେ ଏମାନେ ବ୍ରାଉନସୁଗାର ବାଲେଶ୍ୱରର ଜଳେଶ୍ୱରରୁ ଆଣି ଖୋର୍ଦ୍ଧାରେ କାରବାର କରୁଥିବାର ପୋଲିସ ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
