ଖୋର୍ଦ୍ଧା: ଚିଲିକାରେ ବିଗତ କିଛି ଦିନ ହେବ ପକ୍ଷୀ ଶିକାର ବନ୍ଦ ରହିଥିବାବେଳେ ଆଜି(ଗୁରୁବାର) ପୁଣି ପକ୍ଷୀ ଶିକାର ହୋଇଥିବା ସାମ୍ନାକୁ ଆସିଛି । ଆଜି ପକ୍ଷୀ ଶିକାର କରିବାବେଳେ ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିନସ୍ଥ ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ ହାତରେ ଜଣେ ଶିକାରୀ ଧରାପଡ଼ି ଗିରଫ ହୋଇଛନ୍ତି ।
Bird Hunter Arrest: ୭ ମୃତ ପକ୍ଷୀ ସହ ଡଙ୍ଗା ଜବତ କଲା ବନ୍ୟପ୍ରାଣୀ ବିଭାଗ
ଟାଙ୍ଗୀ ରେଞ୍ଜ ଅନ୍ତର୍ଗତ ମଙ୍ଗଳାଯୋଡି ପକ୍ଷୀ ସୁରକ୍ଷା କ୍ୟାମ୍ପ ନିକଟରୁ ପକ୍ଷୀ ଶିକାରୀଙ୍କୁ ଗିରଫ କରିଛି ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ । ଶିକାରୀଙ୍କ ନିକଟରୁ ସାତଟି ମୃତ ବିଦେଶୀ ପକ୍ଷୀ ଏବଂ ଏକ କାତମରା ଡ଼ଙ୍ଗା ଜବତ କରିଛି ବନ୍ୟପ୍ରାଣୀ ବିଭାଗ । ଗିରଫ ଶିକାରୀ ଜଣକ ଟାଙ୍ଗୀ ଥାନା ତୋଟାପଡ଼ା ଗ୍ରାମର ବନ ବେହେରା ବୋଲି ସୂଚନା ଦେଇଛନ୍ତି ଟାଙ୍ଗୀ ବନ୍ୟପ୍ରାଣୀ ଅଧିକାରୀ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
