ଖୋର୍ଦ୍ଧା: ଆଗକୁ ଆସୁଛି ପଞ୍ଚାୟତ ନିର୍ବାଚନ । ନିର୍ବାଚନ ପୂର୍ବରୁ ପ୍ରସ୍ତୁତ ଆରମ୍ଭ କରିଦେଲାଣି ଶାସକ ଦଳ ବିଜେଡି । ବିଶେଷ କରି ମହିଳା ଭୋଟ୍ ପାଇଁ ଦଳ ଆରମ୍ଭ ଦେଇଛି ପ୍ରସ୍ତୁତି । ଏନେଇ ଦଳ ପକ୍ଷରୁ ଆଜି(ରବିବାର) ସଭାନେତ୍ରୀ ଚୟନ କରାଯାଇଛି ।
ବିଜେଡି ପକ୍ଷରୁ ବ୍ଲକ ଓ ପଞ୍ଚାୟତସ୍ତରୀୟ ମହିଳାନେତ୍ରୀ ଚୟନ
ଜିଲ୍ଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଅଟ୍ରି ଠାରେ ବେଗୁନିଆ ବୋଲଗଡ଼ ବିଧାୟକ ରାଜେନ୍ଦ୍ର ସାହୁ ଓ ବିଜୁ ଜନତା ଦଳର ଜିଲ୍ଲା ମହିଳା ସଙ୍ଗଠନ ଦାୟିତ୍ଵରେ ଥିବା କସ୍ତୁରୀ ମହାପାତ୍ର ବେଗୁନିଆ ବୋଲଗଡ଼ ବ୍ଲକର ପଞ୍ଚାୟତ ସଭାନେତ୍ରୀ ଚୟନ କରିବା ସହ ଦୁଇଟି ବ୍ଲକର 6ଟି ଜୋନ ଏବଂ ବ୍ଲକସ୍ତରୀୟ ମହିଳା ସଭାନେତ୍ରୀମାନଙ୍କୁ ଚୟନ କରିଛନ୍ତି । ଚୟନ ହୋଇଥିବା ଏହି ସଭାନେତ୍ରୀମାନେ ବିଜୁ ଜନତା ଦଳ ମହିଳାଙ୍କ ପାଇଁ କରୁଥିବା ବିଭିନ୍ନ ଯୋଜନା ସମ୍ପର୍କରେ ଗାଁ ଗାଁ ରେ ମହିଳାମାନଙ୍କୁ ଜଣାଇବେ ବୋଲି କୁହାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
