ଭୁବନେଶ୍ବର: ଶ୍ରୀମନ୍ଦିରରେ ୟୁଟ୍ୟୁବର କାମିଆ ଜାନିଙ୍କ ଭିଡିଓକୁ ରାଜ୍ୟ ରାଜନୀତି ସରଗରମ । ଗୋମାଂସ ଭକ୍ଷଣ କରିଥିବା ମହିଳାଙ୍କୁ ଶ୍ରୀମନ୍ଦିରକୁ ନେଇ କୋଟି କୋଟି ଓଡ଼ିଆଙ୍କ ଭାବାବେଗକୁ ଆଘତ ପହଞ୍ଚାଇଥିବା ନେଇ ବିଜେପି ପାଣ୍ଡିଆନଙ୍କୁ ଟାର୍ଗେଟ କରିବା ପରେ ପ୍ରତିକ୍ରିୟା ରଖିଛି ବିଜେଡି । ମହାପ୍ରଭୁଙ୍କ କାମରେ ବିଜେପିର ହୀନ ରାଜନୀତିକୁ ସମାଲୋଚନା କରିଛି ବିଜୁ ଜନତା ଦଳ । ବିଜେଡି ମୁଖପାତ୍ର ଇପସିତା ସାହୁ, ସ୍ବୟଂପ୍ରକାଶ ମହାପାତ୍ର ସାମ୍ବାଦିକ ସମ୍ମିଳନୀ କରି ଏନେଇ ପ୍ରତିକ୍ରିୟା ରଖିଛନ୍ତି ।
ଏନେଇ ବିଜେଡି କହିଛି, "ଶ୍ରୀମନ୍ଦିର ଭିତରେ ମହାପ୍ରସାଦ ସେବନର ବ୍ୟବସ୍ଥା କରାଯାଇନଥିଲା । ରାଧାବଲ୍ଲଭ ମଠରେ ହୋଇଥିଲା ପ୍ରସାଦ ସେବନ । ମାତ୍ର ଓଡ଼ିଶାର ଗୌରବମୟ ଇତିହାସରେ ଇର୍ଷାନ୍ବିତ ହୋଇ ବଦନାମ ପାଇଁ ପ୍ରୟାସ କରୁଛି ବିଜେପି । ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ବିଜେପି ନେତାମାନେ ଇର୍ଷାନ୍ଵିତ l ତାଙ୍କ ମନରେ ଅସହିଷ୍ଣୁତା ଭାବ ଭରି ରହିଛି l ମନ୍ଦିର ପରିକ୍ରମା ପ୍ରକଳ୍ପ ଅଟକାଇବା ପଇଁ ଅହରହ ଚେଷ୍ଟା ଜାରି ରଖିଛନ୍ତି l ଯେବେ ସମସ୍ତ ଦଳ ସମ୍ମୁଖରେ ମୁଖ୍ୟମନ୍ତ୍ରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶିଳାନ୍ୟାସ କରି ଫେରୁଥିଲେ ବିଜେପି ନେତାମାନେ ମୁଖ୍ୟମନ୍ତ୍ରୀଙ୍କ ଗାଡ଼ି ରେ ଅଣ୍ଡା ମାଡ କରିଥିଲେ l ସେମାନଙ୍କ ହୀନମନ୍ୟତା ପ୍ରକାଶ କରିଥିଲେ ।"
ଏହା ବି ପଢନ୍ତୁ- ଶ୍ରୀମନ୍ଦିରରେ ପାଣ୍ଡିଆନ ଓ କାମିଆ ଜାନିଙ୍କ ଭିଡିଓ ବିବାଦ, ଉଭୟଙ୍କ ଗିରଫଦାରୀ ଦାବି କଲା ବିଜେପି
