ଖୋର୍ଦ୍ଧା: ପୋଲିସ ହେଉଛି ସାଧାରଣ ଲୋକଙ୍କ ବନ୍ଧୁ । ଏକଥାକୁ ପ୍ରମାଣିତ କରିଛନ୍ତି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅଧିକାରୀ । ଟାଣ ଖରାକୁ ଖାତିର ନକରି ଥାନା ଅଧିକାରୀ ନିଜ ଥାନାର ପୋଲିସକର୍ମୀଙ୍କୁ ସାଥିରେ ନେଇ ଗାଁଗାଁ ବୁଲି କୋରୋନା ଠୁ ସତର୍କ ରହିବା ପାଇଁ ଲୋକଙ୍କୁ କରୁଛନ୍ତି ସଚେତନ ।
ଗାଁ ଗାଁ ବୁଲି କୋରୋନା ସମ୍ପର୍କରେ ସଚେତନ କରୁଛି ବେଗୁନିଆ ପୋଲିସ
ଘରୁ ବାହାରକୁ ନବହାରିବା, ଜରୁରୀ କାମରେ ବାହାରିଲେ ମାସ୍କ ପିନ୍ଧିବା, ଏକାଧିକ ଲୋକ ଏକଠି ନହେବା ପାଇଁ ସଚେତନ କରୁଛନ୍ତି ବେଗୁନିଆ ଥାନା ଅଧିକାରୀ । ସେହିପରି ଆପଣମାନେ ଘରେ ସୁରକ୍ଷିତ ରୁହନ୍ତୁ, ଆମେ ଆପଣଙ୍କ ପାଇଁ ବାହାରେ ସଜାଗ ରହିଛୁ ବୋଲି ସେ କହିଛନ୍ତି । କୋରୋନା ମୁକାବିଲା କରିବା ପାଇଁ ଏକମାତ୍ର ଅସ୍ତ୍ର ସଚେତନତା । ଏହି ବାର୍ତ୍ତାକୁ ବିଭିନ୍ନ ଗ୍ରାମରେ ଚାଲିଚାଲି ଲୋକଙ୍କୁ ଥାନାଧିକାରୀ ସଚେତନ କରୁଥିବା ଘଟଣାକୁ ଅଞ୍ଚଳବାସୀ ବେଶ ପ୍ରଶଂସା କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
