ନିଆଳି: ଦୁଇ ଦିନିଆ ରିମାଣ୍ଡରେ ତିନି ଅଭିଯୁକ୍ତ । ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ବୋଧଖଣ୍ଡି ଗାଁ ଆଶିଷ ହତ୍ୟାକାଣ୍ଡ ଘଟଣାରେ ଜେଲ୍ରେ ଥିବା ତିନି ଅଭିଯୁକ୍ତଙ୍କୁ ରିମାଣ୍ଡରେ ଆଣିଛି ବାଲିପାଟଣା ପୋଲିସ ।
ସୂଚନା ମୁତାବକ, ଏକତରଫା ପ୍ରେମକୁ କେନ୍ଦ୍ର କରି ବାଲିଅନ୍ତା ଥାନା ଶିଶିଲୋ ଗାଁର ଆଶିଷ ଓଝାଙ୍କୁ ହତ୍ୟା କରାଯାଇଥିଲା । ପରେ ଘଟଣାର ତଦନ୍ତ କରି ବାଲିପାଟଣା ପୋଲିସ ହତ୍ୟାକାଣ୍ଡରେ ସଂପୃକ୍ତ ସମସ୍ତ ତିନି ଅଭିଯୁକ୍ତ ରାଜ କିଶୋର ଦାସ, ଦୁର୍ଯ୍ୟୋଧନ ବେହେରା ଏବଂ ରାକେଶ ସେଠୀଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । କୋର୍ଟଙ୍କ ଅନୁମତି ପରେ ଦୁଇ ଦିନିଆ ରିମାଣ୍ଡରେ ଆଣିଛି ବାଲିପାଟଣା ପୋଲିସ । ହତ୍ୟା ସମ୍ପର୍କିତ ଅଧିକ ତଥ୍ୟ ପାଇଁ ଅଭିଯୁକ୍ତଙ୍କୁ ରିମାଣ୍ଡରେ ନେଇଛି ପୋଲିସ |
ସେପଟେ ହତ୍ୟାକାଣ୍ଡ ପରଠାରୁ ଏବେ ଯାଏଁ ଆଶିଷଙ୍କ ମୋବାଇଲ ମିଳିନାହିଁ । ଆଶିଷକୁ ହତ୍ୟା କରିବା ପରେ ଅଭିଯୁକ୍ତମାନେ ମୋବାଇଲକୁ ନଦୀକୁ ଫିଙ୍ଗି ଦେଇଥିଲେ । ଆଶିଷଙ୍କ ମୋବାଇଲକୁ ଉଦ୍ଧାର କରିବା ନିମନ୍ତେ ଧନୁଆ ନଦୀରେ ଅଗ୍ନିଶମ ବାହିନୀ ଅନୁସନ୍ଧାନ ଜାରି ରଖିଛି ।
ଇଟିଭି ଭାରତ, ନିଆଳି
