ସିଗନାଲ ଉପରେ କଟକଣା ଥାଇ ମଧ୍ୟ ଗାଡ଼ି ଗଡିଲା, CRS ସ୍ତରରେ ହେବ ତଦନ୍ତ: CPRO

ଆନ୍ଧ୍ର ଟ୍ରେନ ଟ୍ରାଜେଡି ଘଟଣା । ସିଗନାଲ ଉପରେ କଟକଣା ଥାଇ ମଧ୍ୟ ଗାଡ଼ି ଗଡିଥିଲା । ଏ ନେଇ ତଦନ୍ତ କରାଯିବ ବୋଲି କହିଲେ ପୂର୍ବତଟ ରେଳପଥ ମୁଖ୍ୟ ଜନସମ୍ପର୍କ ଅଧିକାରୀ ବିଶ୍ବଜିତ ସାହୁ । ଅଧିକ ପଢନ୍ତୁ

ଭୁବନେଶ୍ବର: ସିଗନାଲ ଉପରେ କଟକଣା ଥାଇ ମଧ୍ୟ ଗାଡ଼ି ଗଡିଥିଲା । ତେବେ ଏନେଇ ତଦନ୍ତ କରାଯିବ । ସଠିକ ରୂପେ ତଦନ୍ତ ପାଇଁ ବୈଠକ ବସିବ ଓ ଦୋଷୀ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଅନ୍ୟପଟେ ଅପ ଲାଇନ ଟ୍ରାକ ଆଉ ଡାଉନଲାଇନ ଟ୍ରାକ ଠିକ ହୋଇଯାଇଛି । ଟ୍ରାକ ଉପରେ ଏକ ମାଲବାହୀ ଟ୍ରେନ ପ୍ରଶାନ୍ତି ଏକ୍ସପ୍ରେସ ଗଡିସାରିଲାଣି । ଖୁବଶୀଘ୍ର ମଝି ଟ୍ରାକଟିକୁ ସଜଡ଼ା ଯିବ । ଯଦିଓ ପ୍ରଶାନ୍ତି ଏକ୍ସପ୍ରେସ ଗଡ଼ିଛି ଏହାର ସ୍ପିଡ ଉପରେ କଟକଣା ରହିଥିଲା ଖୁବଶୀଘ୍ର ଏହି କଟକଣା ହଟାଯିବ ବୋଲି ସୂଚନା ଦେଇଛନ୍ତି ପୂର୍ବତଟ ରେଳପଥ ମୁଖ୍ୟ ଜନସମ୍ପର୍କ ଅଧିକାରୀ ବିଶ୍ବଜିତ ସାହୁ ।

ଏନେଇ ପୂର୍ବତଟ ରେଳପଥ ମୁଖ୍ୟ ଜନସମ୍ପର୍କ ଅଧିକାରୀ, "ବର୍ତ୍ତମାନ ଅପ ଲାଇନ ଓ ଡାଉନଲାଇନ ଫିଟ ହୋଇଯାଇଛି । ଏବେ ମାଲବାହୀ ଟ୍ରେନ ଡାଉନଲାଇନରେ ଏବଂ ପାସେଞ୍ଜର ଟ୍ରେନ ଭାବେ ପ୍ରଶାନ୍ତି ଏକ୍ସପ୍ରେସ ଅଫଲାଇନରେ ଯାଇଛି । OHE ଫିଟନେସ ଏବଂ ଟ୍ରାକ ଫିଟନେସ ମିଳିବା ପରେ ଏହି ଟ୍ରେନ ଗଡ଼ିଛି । ସେହି ଟ୍ରାକରେ ବର୍ତ୍ତମାନ ସ୍ପିଡ ରେଷ୍ଟ୍ରିକ୍ସନ ମଧ୍ୟରେ ଟ୍ରେନ ଯାତାୟାତ କରୁଛି । ପୁରା ରିଷ୍ଟୋର ହେବା ପରେ ସ୍ପିଡ ରେଷ୍ଟ୍ରିକ୍ସନ ହଟିବ । ଯେଉଁ ଟ୍ରେନ ଗୁଡିକ ବାତିଲ କରାଯାଇଥିଲା ତାର ସିଡ୍ୟୁଲ ହୋଇଯାଇଛି ତେଣୁ ସେଥିରେ ଟ୍ରାକ ପରିବର୍ତ୍ତନ ହେବନାହିଁ । ଆଗକୁ ଯେଉଁ ଟ୍ରେନଗୁଡିକ ଚଳାଚଳ କରିବ ସେସବୁ ରେଗୁଲାରାଇଜ କରାଯିବ । ମୃତକଙ୍କୁ ସହାୟତା ରାଶି ମିଳିଲାଣି ।"