ଖୋର୍ଦ୍ଧା: ଆମ୍ବୁଲାନ୍ସ ଓଲଟି ପାଞ୍ଚ ଗୁରୁତର । ଖୋର୍ଦ୍ଧା ଜିଲ୍ଲା ୧୬ ନଂ ଜାତୀୟ ରାଜପଥ ନାଚୁଣୀ ନିକଟରେ ଆମ୍ବୁଲାନ୍ସ ଓଲଟି ୫ ଜଣ ଗୁରୁତର ଆହତ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ଏହି ବ୍ୟକ୍ତିମାନେ ଆମ୍ବୁଲାନ୍ସରେ ତ୍ରୁପ୍ତି ମୁଣ୍ଡାଙ୍କ ସ୍ବାମୀ ଦିଲିପ ମୁଣ୍ଡାଙ୍କର ମୃତଦେହ ଧରି ତାମିଲନାଡୁରୁ ପଶ୍ଚିମବଙ୍ଗ ଉତ୍ତର ୨୪ ପ୍ରଗଣାକୁ ଆସୁଥିଲା । ରାସ୍ତା ଖରାପ ଯୋଗୁଁ ହଠାତ୍ ଆମ୍ବୁଲାନ୍ସଟି ଭାରସାମ୍ୟ ହରାଇ ଓଲଟି ପଡିଥିଲା । ଯେଉଁଥିରେ 5 ଜଣ ଗୁରୁତର ହୋଇଥିଲେ ।
ଗୁରୁତର ବ୍ୟକ୍ତିମାନଙ୍କୁ ଚିଲିକା ଅଗ୍ନିଶମ ବାହିନୀ ଉଦ୍ଧାର କରି ଟାଙ୍ଗୀ ସରକାରୀ ମେଡିକାଲରେ ଭର୍ତ୍ତି କରିଛନ୍ତି । ଗୁରୁତର ବ୍ୟକ୍ତି ମାନେ ହେଲେ ପଡୋଶୀ ପଶ୍ଚିମବଙ୍ଗ ରାଜ୍ୟ ଉତ୍ତର ୨୪ ପ୍ରଗଣା ଅଞ୍ଚଳର ଗୋଟିଏ ପରିଵାରର ସଦସ୍ୟ ।
ସେମାନେ ହେଲେ ତ୍ରୁପ୍ତି ମୁଣ୍ଡା, ପ୍ରୋସେନ କୁମାର ମୁଣ୍ଡା, ରାକେଶ କୁମାର ମୁଣ୍ଡା, ସର୍ମିଲା ମଣ୍ଡଳ ଓ ସୁରଜିତ୍ ସରଦାର । ତେବେ ଆମ୍ବୁଲାନ୍ସଟି ଭାଙ୍ଗି ଯାଇଥିବାବେଳେ ଚାଳକ ଜଣକ ସୁରକ୍ଷିତ ଥିବା ଜଣାପଡିଛି । ସ୍ଥାନୀୟ ପୋଲିସ ଗାଡି ଜବତ କରି ତଦନ୍ତ ଚଳାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
