ଖୋର୍ଦ୍ଧା: ଆଦିବାସୀ ଯୁବକଙ୍କୁ ଘରୁ ଡାକିନେଇ ହତ୍ୟା କରିବା ପରେ ଶ୍ମଶାନରେ ପୋଡି ଦେଇଛନ୍ତି ଦୁର୍ବୃତ୍ତ । ଏଭଳି ଘଟଣା ଘଟିଛି ଖୋର୍ଦ୍ଧା ସଦର ଥାନା କରଡଗାଡିଆ ଗ୍ରାମରେ । ପୋଲିସ ଘଟଣାକୁ ଗୁରୁତର ଭାବେ ନେଇଛି ପୋଲିସ । ୬ ଜଣଙ୍କୁ ଅଟକ ରଖି ପଚରା ଉଚୁରା କରୁଛି ପୋଲିସ ।
ବେଗୁନିଆ ଥାନା ଅନ୍ତର୍ଗତ ଡିଙ୍ଗର ଅଭିମାନପୁର ଗାଁର ସତ୍ୟବ୍ରତ ନାୟକଙ୍କୁ ଗତ 1 ତାରିଖ ଦିନ ଗାଁ ମିଟିଙ୍ଗରେ କୌଣସି କାରଣରୁ ଡାକି ପେଲାଠେଲା କରାଯାଇଥିଲା । ପୁନର୍ବାର ୨ ତାରିଖ ରାତି ୮ଟା ସମୟରେ ଉକ୍ତ ଗ୍ରାମର ୨ ଯୁବକ ସମନି ନାୟକ ଏବଂ ଟୁଲୁ ବେହେରା ସତ୍ୟବ୍ରତଙ୍କୁ ମିଟିଙ୍ଗ ଅଛି କହି ପୁଣି ଡାକିଥିଲେ । ଏହା ପରେ ତାଙ୍କୁ ହତ୍ୟା କରି ଖୋର୍ଦ୍ଧା ସଦର ଥାନା ଅନ୍ତର୍ଗତ କରଡ଼ଗାଡ଼ିଆ ଗ୍ରାମର ପଟାସ ଜଙ୍ଗଲ ଭିତରେ ଥିବା ଶ୍ମଶାନରେ ପୋଡି ଦେଇଥିବା ଅଭିଯୋଗ ହୋଇଛି । ମୃତକଙ୍କ ପୁତୁରା ବସନ୍ତ କୁମାର ନାୟକ ବେଗୁନିଆ ଥାନାରେ ଏଭଳି ଅଭିଯୋଗ କରିଛନ୍ତି ।
ପୋଲିସ ଘଟଣାକୁ ଗୁରୁତର ଭାବେ ନେଇଛି । ଖବର ପାଇବା ପରେ ଖୋର୍ଦ୍ଧା SDPOଙ୍କ ସହ ବେଗୁନିଆ ଓ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ଏହାସହିତ ଘଟଣାରେ ପୋଲିସ ୬ ଜଣଙ୍କୁ ଅଟକ ରଖି ତଦନ୍ତ ଚଳାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
