ଖୋର୍ଦ୍ଧା : କଟକ ଜିଲ୍ଲା ବାଙ୍କୀରେ ମର୍ମନ୍ତୁଦ ସଡ଼କ ଦୁର୍ଘଟଣା । କଟକ ବାଙ୍କୀ ମୁଖ୍ୟ ରାସ୍ତାରେ ଏକ ଟ୍ରକ ଭାରସାମ୍ୟ ହରାଇ ଜଣଙ୍କ ଘରକୁ ଧକ୍କା ଦେଇଛି । ଟ୍ରକଟି ଘର ଭିତରେ ପଶିଯାଇଥିବା ବେଳେ ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି ।
ଭାରସାମ୍ୟ ହରାଇ ଘରେ ପଶିଗଲା ଟ୍ରକ, ଜଣେ ମୃତ
ରେଳ ଟ୍ରାକ ପାଇଁ ସିମେଣ୍ଟ ଖୁଣ୍ଟ ନେଇ ବାଙ୍କୀରୁ କଟକ ମୁଖ୍ୟ ରାସ୍ତାରେ ଯାଉଥିଲା ଏହି ଟ୍ରକ । ତେବେ ବାଙ୍କୀ କରବର ଗ୍ରାମଠାରେ ଏହି ଟ୍ରକଟି ହଠାତ୍ ଭାରସାମ୍ୟ ହରାଇ ଜଣକ ଘର ଭିତରକୁ ପଶିଯାଇଥିଲା । ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ବାଙ୍କୀ ମେଡିକାଲକୁ ସ୍ତାନାନ୍ତର କରାଯାଇଛି । ଖବର ପାଇ ଡମପଡା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ବାଙ୍କୀ ପୋଲସ ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
