ଭୁବନେଶ୍ବର: ଆମ ହସ୍ପିଟାଲ ପ୍ରକଳ୍ପକୁ ପ୍ରାଥମିକତା । ହସ୍ପିଟାଲରେ ରୋଗୀଙ୍କୁ ମିଳିବ ମତାମତ ଦେବାର ସୁଯୋଗ । ଆମ ହସ୍ପିଟାଲ ଅଧୀନରେ ଥିବା ପ୍ରକଳ୍ପ ଗୁଡିକ ମନୋନୀତ ସ୍ୱାସ୍ଥ୍ୟ ସୁବିଧା ପରିବର୍ତ୍ତନ ପାଇଁ ରାଜ୍ୟ ସରକାରଙ୍କ ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଆମ ହସ୍ପିଟାଲର ସୁବିଧା ଓ ସୁଯୋଗକୁ କରାଯିବ ଆଧିକ ତ୍ବରାନ୍ବିତ । ତେବେ ଆଜି ଲୋକସେବା ଭବନ ସମ୍ମିଳନୀ ହଲରେ ଅନୁଷ୍ଠିତ ଏକ ଉଚ୍ଚ ସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ଏହି ବୌଠକରେ ପରିବାର କଲ୍ୟାଣ ସଚିବ ଶାଲିନୀ ପଣ୍ଡିତଙ୍କ ସମେତ ବରିଷ୍ଠ ଅଧିକାରୀ ଉପସ୍ଥିତ ରହିଥିଲେ । ଆମ ହସ୍ପିଟାଲ କାର୍ଯ୍ୟକୁ 5-ଟି ପଦକ୍ଷେପକୁ ପ୍ରାଥମିକତା ସହ ନିର୍ଦ୍ଧାରିତ ସମୟ ମଧ୍ୟରେ ସମସ୍ତ କାର୍ଯ୍ୟ ଗୁଡିକ ସମାପ୍ତ କରିବାକୁ ନିର୍ଦ୍ଦେଶ ଦିଆଯାଇଛି । 2023 ଡିସେମ୍ବର ସୁଦ୍ଧା ସମସ୍ତ କାର୍ଯ୍ୟ ସମାପ୍ତ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି ।
ଆମ ହସ୍ପିଟାଲ୍ ଅଧୀନରେ ପାଣ୍ଠି କାରବାର ପାଇଁ ଜିଲ୍ଲା କଲେକ୍ଟରମାନଙ୍କୁ ମଧ୍ୟ ପୃଥକ ଖାତା ଖୋଲିବାକୁ ନିର୍ଦ୍ଦେଶ ଦିଆଯାଇଛି । ସମୀକ୍ଷା ବୈଠକରେ ସ୍ୱାସ୍ଥ୍ୟ ସଚିବ କହିଛନ୍ତି , ‘‘ଇଲେକ୍ଟ୍ରୋନିକ୍ସ ଏବଂ ଆଇଟି ବିଭାଗ ରୋଗୀଙ୍କ ସନ୍ତୁଷ୍ଟତା ମତାମତ ସଂଗ୍ରହ ଏବଂ ରୋଗୀ ସେବାର ଗୁଣାତ୍ମକ ମାପ ପାଇଁ ଏକ ଆଇଟି ପ୍ଲାଟଫର୍ମ ବିକାଶ କରୁଛି । ଏହି ସଫ୍ଟୱେୟାରକୁ ଏହି ଯୋଜନା ଅନ୍ତର୍ଗତ ସମସ୍ତ ଡାକ୍ତରଖାନାରେ ରଖାଯିବ ଏବଂ ବ୍ୟବହାର ମଧ୍ୟ କରାଯିବ । ଜିଲ୍ଲାର ମୁଖ୍ୟ ଜିଲ୍ଲା ଚିକିତ୍ସା ତଥା ଜନସ୍ୱାସ୍ଥ୍ୟ ଅଧିକାରୀଙ୍କୁ ଆମ ହସ୍ପିଟାଲରେ ଆବଶ୍ୟକ ମାନବସମ୍ବଳ ନିଯୁକ୍ତି କରିବା ପାଇଁ ତ୍ୱରିତ ପଦକ୍ଷେପ ନିଆଯିବ ।’’
