ଭଦ୍ରକ: ଜିଲ୍ଲା ଦେଇ ପ୍ରବାହିତ ମନ୍ତେଇ ନଦୀରୁ ଏକ କୁମ୍ଭୀରର ମୃତଦେହ ଉଦ୍ଧାର କରାଯାଇଛି । ମୃତ କୁମ୍ଭୀରକୁ ଗ୍ରାମବାସୀ ଉଦ୍ଧାର କରି ସ୍ଥାନୀୟ ବନ ବିଭାଗକୁ ହସ୍ଥାନ୍ତର କରିଛନ୍ତି । ମିଳିଥିବା ଖବର ଅନୁଯାୟୀ ଭଦ୍ରକ ଜିଲ୍ଲା ତିହିଡି ବ୍ଲକ ବାହାବଳପୁର ପଞ୍ଚାୟତର ଦୋହରାସାହି ଦେଇ ପ୍ରବାହିତ ହେଉଥିବା ମନ୍ତେଇ ନଦୀରେ ସ୍ଥାନୀୟ ଗ୍ରାମବାସୀ ଏକ ମୃତ କୁମ୍ଭୀର ଭାସୁଥିବା ଦେଖିବାକୁ ପାଇଥିଲେ। ପରେ ସେମାନେ ଏହି ମୃତ କୁମ୍ଭୀରକୁ ନଦୀରୁ ଉଦ୍ଧାର କରି କୂଳକୁ ଆଣି ଜଙ୍ଗଲ ବିଭାଗକୁ ଖବର ଦେଇଥିଲେ।
ସାଢେ 6 ଫୁଟର ମୃତ କୁମ୍ଭୀର ଉଦ୍ଧାର
ସୂଚନା ପାଇ ଚାନ୍ଦବାଲିରୁ ଜଙ୍ଗଲ ବିଭାଗର ଏକ ଟିମ ଆସି ଏହି ମୃତ କୁମ୍ଭୀରକୁ ତିହିଡି ପଶୁ ଚିକିତ୍ସାଳୟକୁ ଆଣି ବ୍ୟବଚ୍ଛେଦ କରିଥିବା ଜଣାପଡିଛି। ଏହି ମୃତ କୁମ୍ଭୀରଟିର ଲମ୍ବ ସାଢେ 6 ଫୁଟ ହେବ ଏବଂ ଏହା ବଉଳା ପ୍ରଜାତିର କୁମ୍ଭୀର ବୋଲି ସୂଚନା ମିଳିଛି। ହେଲେ କୁମ୍ଭୀରର ମୃତ୍ୟୁର କାରଣ ଏଯାଏ ସ୍ପଷ୍ଟ ହୋଇପାରିନାହିଁ ।
ଭଦ୍ରକରୁ ଦେବାଶିଷ ପଣ୍ଡା, ଇଟିଭି ଭାରତ
