ଖୋର୍ଦ୍ଧା: ବେଆଇନ ଖଣି ଉପରେ ଚଢାଉ କରି 26ଟି ଗାଡିକୁ ଜବତ କରିଛି ଖୋର୍ଦ୍ଧା ପୋଲିସ। ଜିଲ୍ଲାର ମଳିପଡ଼ା ନିକଟସ୍ଥ ଅଁଳାଟାଙ୍ଗିରେ ଥିବା ଖଣିରେ ଚଢାଉ କରାଯାଇଛି। ଏଠାରେ ବେଆଇନ ଭାବେ ମାଙ୍କଡ଼ା ପଥର ଖଣି ଖୋଳାଯାଉଥିବା ନେଇ ପୋଲିସକୁ ଖବର ମିଳିଥିଲା। ଏହା ପରେ ଖୋର୍ଦ୍ଧା ଏସପିଙ୍କ ନେତୃତ୍ବରେ ଏକ ଟିମ ଗଠନ କରାଯାଇ ଗୁରୁବାର ରାତିରେ ଚଢ଼ାଉ କରାଯାଇଥିଲା। ଜିଲ୍ଲାର ବରିଷ୍ଠ ପୋଲିସ ଅଧିକାରୀ, ତହସିଲଦାର ଏବଂ ଏକ ପ୍ଲାଟୁର୍ନ ଫୋର୍ସ ଚଢାଉରେ ସାମିଲ ଥିଲେ। ଚଢାଉ ସମ୍ପର୍କରେ ଖବର ପାଇବା ପରେ ଗାଡି ଚାଳକ ଏବଂ ଖଣି ଖୋଳୁଥିବା ଲୋକ ଫେରାର ହୋଇଯାଇଥିବା ଜଣାଇଛନ୍ତି ଖୋର୍ଦ୍ଧା ଏସପି।
ଭିଡିଓ ସୌଜନ୍ୟ:ପ୍ରତିନିଧି, ଖୋର୍ଦ୍ଧା
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
