ଖୋର୍ଦ୍ଧା: ବଜ୍ରାଘାତ ଯୋଗୁଁ ଖୋର୍ଦ୍ଧା ଜିଲ୍ଲା ଟାଙ୍ଗି ଅଞ୍ଚଳର 2 ଜଣ ପ୍ରାଣ ହରାଇଛନ୍ତି । ଏହାସହ 3 ଜଣ ଗୁରୁତର ଆହତ ମଧ୍ୟ ହୋଇଛନ୍ତି । ବିଲରେ କାମ କରୁଥିବାବେଳେ ଏହି ଅଘଟଣ ଘଟିଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସୂଚନା ଅନୁଯାୟୀ, ରବିବାର ଅପରାହ୍ନରେ ଖୋର୍ଦ୍ଧା ଜିଲ୍ଲା ଟାଙ୍ଗି ଅଞ୍ଚଳର ଜିତୁ ରାଉତ ଓ ନିକଟସ୍ଥ ଝରିଆ ଗ୍ରାମର ଝରିଆ ପଲେଇ ବିଲରେ କାମ କରୁଥିଲେ । ଏହି ସମୟରେ ବଜ୍ରପାତ ଘଟିଥିଲା । ଯେଉଁଥିରେ ଜିତୁ ଏବଂ ଝରିଆଙ୍କ ମୃତ୍ୟୁ ଘଟିଥିଲା ।
ତେବେ ନିକଟ କ୍ଷେତରେ କାମ କରୁଥିବା ଅନ୍ୟ ତିନିଜଣ ଏଥିରେ ଆହତ ହୋଇଥିଲେ । ଆହତଙ୍କୁ ପ୍ରଥମେ ଟାଙ୍ଗି ମେଡିକାଲ ନିଆଯାଇଥିବା ବେଳେ ଅବସ୍ଥା ଗୁରୁତର ହେବାରୁ ସେମାନଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ଏଭଳି ଅଘଟଣ ଘଟିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
