ଖୋର୍ଦ୍ଧା: ରାଜ୍ୟରେ କୋରୋନା ମାମଲା ଥମିବାର ନାଁ ନେଉନଥିବା ବେଳେ ଖୋର୍ଦ୍ଧା ଉପଖଣ୍ଡରେ କୋରୋନା ଗ୍ରାଫ ଉପରମୁହାଁ । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢ଼ିଚାଲିଛି ଖୋର୍ଦ୍ଧା ଉପଖଣ୍ଡରେ । ଏହି କ୍ରମରେ ଶୁକ୍ରବାର ଜିଲ୍ଲାରୁ 137 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
137 ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ସହରରୁ 13 ଜଣ ଚିହ୍ନଟ ହୋଇଥିବା ବେଳେ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ବିଭିନ୍ନ ଅଞ୍ଚଳରୁ ଆସି ପରୀକ୍ଷା କରିଥିବା 15ଜଣ କୋରୋନା ଆକ୍ରାନ୍ତ ହୋଇଛନ୍ତି । ସେହିପରି ବାଲୁଗାଁରୁ 28, ବାଣପୁରରୁ 21, ଟାଙ୍ଗୀରୁ 15, ବୋଲଗଡ଼ରୁ 8, ବେଗୁନିଆ 8, ଜଟଣୀରୁ 4,ବାଲିପାଟଣା 11 ଏବଂ ବାଳକାଟି ବ୍ଲକରୁ 14ଜଣ ଆକ୍ରାନ୍ତ ଚିହ୍ନଟ ହୋଇଥିବା ଜିଲା ପ୍ରଶାସନ ପକ୍ଷରୁ ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
