କେନ୍ଦୁଝର: ଟ୍ରେନ ଲାଇନରେ କଟି ଯୁବକ ମୃତ । କେନ୍ଦୁଝର ବାମେବାରୀ ଥାନା ଅନ୍ତର୍ଗତ ପଳସା ଗ୍ରାମ ନିକଟରେ ଘଟିଛି ଏହି ଅଘଟଣ । ଯୁବକ ଜଣଙ୍କ ଜିଲ୍ଲା ସଦର ଥାନା ଅନ୍ତର୍ଗତ ମହାଦେଇଯୋଡା ପଞ୍ଚାୟତ କୁଡ଼ିଆଘରା ସାହିର ଲସ ମାଝୀ ବୋଲି ଜଣା ପଡ଼ିଛି ।
ସେ ବାମେବାରୀ ଥାନା ପଳସା ଠାରେ ରହି ଡ୍ରାଇଭର ଭାବେ କାର୍ଯ୍ୟ କରୁଥିଲେ । ଆଜି ଦିନରେ ତାଙ୍କ ମୃତଦେହ ଟ୍ରେନ୍ ଲାଇନରେ ଖଣ୍ଡ ବିଖଣ୍ଡିତ ହୋଇ ପଡିଥିବା ସ୍ଥାନୀୟ ଲୋକ ଦେଖି ପୋଲିସକୁ ଖବର ଦେଇଥିଲେ । ତେବେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେହ ପାଇଁ ପଠାଇଛି । ଏନେଇ ତଦନ୍ତ ଆରମ୍ଭ କରିଛି ପୋଲିସ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
