କେନ୍ଦୁଝର: ଯୋଡା ଥାନା ମହାବୀର ଛକରେ ସଡକ ଦୁର୍ଘଟଣା । ଟ୍ରକ ମାଡିଯାଇ ମହିଳା ମୃତ । ମୃତ ମହିଳା ଝାଡଖଣ୍ଡ ସଢେଇକଳା ଅଞ୍ଚଳର କୁସୁମ ମହାନ୍ତି ।
ଟ୍ରକ ମାଡିଯାଇ ମହିଳା ମୃତ, ଯୁବକ ଗୁରୁତର
ମହିଳା ଜଣକ, ନିଜର ଜଣେ ସମ୍ପର୍କୀୟଙ୍କୁ ଦେଖା କରିବାକୁ ନିଜର ପୁତୁରାଙ୍କ ସହ ଏକ ବାଇକ୍ ଯୋଗେ କମାରଯୋଡା ଡାକ୍ତରଖାନାକୁ ଯାଉଥିଲେ । ତେବେ ମହାବୀର ଛକ ନିକଟରେ ବାଇକଟି ଭାରସାମ୍ୟ ହରାଇ ପଡିଯାଇଥିଲା । ମହିଳା ଜଣଙ୍କ ମଧ୍ୟ ତଳେ ପଡିଯାଇଥିଲେ । ଏହି ସମୟରେ ଏକ 12 ଚକିଆ ଟ୍ରକ ତାଙ୍କ ଉପରେ ମାଡିଯାଇଥିଲା ।
ଫଳରେ ଘଟଣାସ୍ଥଳରେ ହିଁ ମହିଳା ଜଣଙ୍କର ମୃତ୍ୟୁ ଘଟିଛି । ସେପଟେ ଯୁବକ ଜଣଙ୍କ ଗୁରୁତର ଆହତ ହୋଇଥିବା ଜଣାପଡିଛି । ଅନ୍ୟପଟେ ଯୋଡା ପୋଲିସ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଚଳାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
