କେନ୍ଦୁଝର: ସୁଆକାଟିସ୍ଥିତ ଓଏମସି ଖଣିରେ ଲୋଡର ଚାପରେ ଟ୍ରକ ମାଲିକଙ୍କ ମୃତ୍ୟୁ ହୋଇଛି । ମୃତକ ବେଳବାହାଳି ଅଞ୍ଚଳର ସନାତନ ସାହୁ ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଓଏମସିର 5 ନମ୍ବର କଣ୍ଟାକୁ ଟ୍ରକରେ ଲୋଡ ପାଇଁ ସନାତନ ଯାଉଥିଲେ । ଯାଉଥିବା ସମୟରେ ରୋଡ ଜାମ ଥିବାରୁ ଟ୍ରକରୁ ତଳକୁ ଓହ୍ଲାଇଥିଲେ । ଟ୍ରକରୁ ତଳକୁ ଓହ୍ଲାଇ ରାସ୍ତାରେ ଛିଡା ହୋଇଥିବା ସମୟରେ ସେହି ବାଟ ଦେଇ ଯାଉଥିବା ଏକ ଲୋଡର ସନାତନଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ସନାତନଙ୍କ ମୃତ୍ୟୁ ହୋଇଛି ।
ସନାତନଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ଅଣା ଯାଇଥିବାବେଳେ ଲୋଡର ଡ୍ରାଇଭର ଓ ଗାଡିକୁ ଅଟକ ରଖି ସୁଆକାଠି ପୋଲିସ ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
