କେନ୍ଦୁଝର: ଆଜି(ଗୁରୁବାର) ସକାଳୁ ଢେଙ୍କିକୋଟ ଟୋଲଗେଟ ନିକଟରେ ଏକ ଦଶଚକିଆ ଟ୍ରକ ଜଳିଯାଇଛି । ଟ୍ରକଟି ଟୋଲଗେଟ ନିକଟରେ ଠିଆ ହୋଇଥିବା ବେଳେ ସଟ ସର୍କିଟ ଯୋଗୁଁ ନିଆଁ ଲାଗି ଯାଇଥିବା ଜଣା ପଡ଼ିଛି ।
ଟ୍ରକଟି ଦୀର୍ଘ ସମୟ ଜଳୁଥିବା ବେଳେ ଡ୍ରାଇଭର ଓ ହେଲପର ସୁରକ୍ଷିତ ରହିଥିବା ଜଣାପଡ଼ିଛି । ଗାଡିଟି ତାଳଚେର ଅଞ୍ଚଳର ହୋଇଥିବା ବେଳେ ମାଲିକଙ୍କ ନାମ ହରମୋହନ ମହାନ୍ତ ବୋଲି ସୂଚନା ମିଳିଛି । ଖବର ପାଇ ଘଟଗାଁ ଦମକଳ ବାହିନୀ ପହଞ୍ଚିବା ସହ ନିଆଁକୁ ଆୟତ୍ତ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ