କେନ୍ଦୁଝର: ଜିଲ୍ଲା ସଦର ଥାନା ଅନ୍ତର୍ଗତ ବାଙ୍କମାରୁଣୀ ଅଞ୍ଚଳରେ ଘଟିଛି ଦୁଃଖଦ ଘଟଣା । ଘରେ 14 ଚକିଆ ଟ୍ରକ ପଶିଯିବାରୁ ଜେଜେମା’ ଓ ନାତୁଣୀଙ୍କ ମୃତ୍ୟୁ ହୋଇଛି । ମୃତକ ଦୁଇଜଣ ହେଲେ ଦେବେନ୍ଦ୍ର ମାହାନ୍ତଙ୍କ ମା ଓ ଝିଅ ।
ଭାରସାମ୍ୟ ହରାଇ ଘରେ ପଶିଲା ଟ୍ରକ, ଜେଜେମା’ ଓ ନାତୁଣୀ ମୃତ
ତେବେ ଟ୍ରକଟି ହଠାତ୍ ରାସ୍ତାରୁ ତାଙ୍କ ଘର ମଧ୍ୟକୁ ପଶି ଯିବାରୁ ବାରଣ୍ଡାରେ ବସିଥିବା ଜେଜେମା’ ନାତୁଣୀ ଗୁରୁତର ହୋଇପଡିଥିଲେ । ଗୁରୁତର ଅବସ୍ଥାରେ ତାଙ୍କୁ କେନ୍ଦୁଝର ଡାକ୍ତରଖାନାକୁ ଅଣାଯାଇଥିଲା, କିନ୍ତୁ ସେଠାରେ ସେମାନେ ମୃତ୍ୟୁବରଣ କରିଛନ୍ତି ।
ଡ୍ରାଇଭର ମଧ୍ୟ ଗୁରୁତର ଅବସ୍ଥାରେ ପ୍ରଥମେ ପଦ୍ମପୁର ଡାକ୍ତରଖାନା ଓ ପରେ କେନ୍ଦୁଝର ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ସଦର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିବା ସହ ଗାଡିକୁ ଜବତ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
