ଆନନ୍ଦପୁର: ରାସ୍ତା ଜାମ ନେଲା ଆଉ ଏକ ଜୀବନ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ହସନପୁର ଛକରେ ଟ୍ରକ ଦୁର୍ଘଟଣାରେ ବାଇକ ଅରୋହୀ ମୃତ ।
ରାସ୍ତା ଜାମ ନେଲା ଜୀବନ: ଟ୍ରକ ଦୁର୍ଘଟଣାରେ ବାଇକ ଅରୋହୀ ମୃତ
ସୂଚନାଥାଉକି ଆନନ୍ଦପୁର ଉପଖଣ୍ଡ ଟମକା ଥାନା ପାଲଡାହି ଗାଁର ରମେଶ ଚନ୍ଦ୍ର ସାହୁ ନାମକ ବ୍ୟକ୍ତି ନିଜ ସମୁଦି ଘର ଟୋଲଙ୍କପଡାକୁ ଆସିଥିଲେ । ନିଜ କାମ ସାରି ଘରକୁ ଫେରିବା ବାଟରେ ହସନପୁର ଛକ ନିକଟରେ ଗୋଟିଏ ଟ୍ରକ ତାଙ୍କ ଉପରେ ମାଡି ଯାଇଥିଲା । ସ୍ଥାନୀୟ ଅଞ୍ଚଳର କିଛି ଯୁବକ ତାଙ୍କୁ ସେଠାରୁ ଉଠାଇ ଗୋଟିଏ ପିକଅପ ଭ୍ୟାନରେ ମେଡିକାଲ ଆଣିବାକୁ ଚେଷ୍ଟା କରିଥିଲେ ମଧ୍ୟ ରାସ୍ତା ଜାମ ଯୋଗୁ ଅସଫଳ ହୋଇଥିଲେ । ତେବେ ଅନ୍ୟ ରାସ୍ତା ଦେଇ ତାଙ୍କୁ ମେଡିକାଲ ଆଣିବା ବେଳେ ତାଙ୍କର ମୃତ୍ୟୁ ଘଟି ଥିଲା ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ,ଇଟିଭି ଭାରତ
