କେନ୍ଦୁଝର: ମେ’ 3 ରେ ଶେଷ ହେଉଛି ଲକଡାଉନ ଅବଧି । ଏହା ପୂର୍ବରୁ ସର୍ତ୍ତମୂଳକ ଭାବେ ପଞ୍ଜିକୃତ ଦୋକାନଗୁଡିକୁ ଖୋଲିବାକୁ ଅନୁମତି ମିଳିଛି । ଯାହାକୁ ନଜରରେ ରଖି କେନ୍ଦୁଝର ପ୍ରଶାସନ ନୂଆ ନିୟମ ଜାରି କରିଛନ୍ତି ।
ସଂକ୍ରମଣରେ ରୋକ ଲାଗୁନଥିବାରୁ ନୂଆ ନିୟମ ଅନୁସାରେ ଦୋକାନ ବଜାର ଖୋଲିବାକୁ କେନ୍ଦୁଝର ଜିଲ୍ଲା ପ୍ରଶାସନ ଟ୍ବିଟ ମାଧ୍ୟମରେ ଜଣାଇଛି । ଜିଲ୍ଲାରେ ସମସ୍ତ ଅତ୍ୟାବଶ୍ୟକୀୟ ଦୋକାନ ବଜାର ସକାଳ ୭ ଟା ରୁ ଦିନ ୨ ଟା ମଧ୍ୟରେ ଖୋଲିପାରିବେ । ଗ୍ୟାରେଜ, ବ୍ୟାଟେରୀ, ସ୍ପେୟାର ପାର୍ଟ ଆଦି ଦୋକାନ ନିର୍ଦ୍ଧାରିତ ସମୟ ମଧ୍ୟରେ ଖୋଲି ପାରିବେ ।
ସେହିପରି ରାସ୍ତା ଘାଟରେ ଛେପ ପକେଇବା ସମ୍ପୂର୍ଣ୍ଣ ବେଆଇନ । ଯଦି କେହି ନିୟମକୁ ଉଲ୍ଲଙ୍ଘନ କରିଥିବାର ଦେଖିବାକୁ ମିଳେ ତେବେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଟ୍ୱିଟ ମାଧ୍ୟମରେ ଜଣାଇଛି ପ୍ରଶାସନ । ସମସ୍ତ ଅତ୍ୟାବଶ୍ୟକ ଦୋକାନ ସାମାଜିକ ଦୂରତ୍ୱ ନିୟମକୁ ମାନିବା ସହ ମାସ୍କ ପିନ୍ଧି ଦୋକାନ ଖୋଲିବାକୁ ଅଦେଶରେ ଜଣାଇଛି ଜିଲ୍ଲା ପ୍ରଶାସନ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
