ପୁଅର କୋଦାଳ ଚୋଟରେ ବାପର ମୃତ୍ୟୁ, ହତ୍ୟାକାରୀ ଗିରଫ

କେନ୍ଦୁଝର ଜିଲ୍ଲା ବାରିଆ ଥାନା ଅନ୍ତର୍ଗତ ପୋଡ଼ସିମିଳା ଗାଁରେ ଘଟିଛି ଅଭାବନୀୟ ଘଟଣା । ବାପାକୁ କୋଦାଳରେ ହାଣି ହତ୍ୟା କରିଛି ଜନ୍ମକଲା ପୁଅ । ଅଧିକ ପଢନ୍ତୁ..

କେନ୍ଦୁଝର: ପାରିବାରିକ କଳହର କରୁଣ ପରିଣତି । ପୁଅ ଭୁଲିଲା ରକ୍ତର ସମ୍ପର୍କ । କୋଦାଳରେ ହାଣି ବାପାକୁ କରିଛି ନିର୍ମମ ହତ୍ୟା । ଏଭଳି ଲୋମଟାଙ୍କୁରା ହତ୍ୟାକାଣ୍ଡ ଘଟିଛି କେନ୍ଦୁଝର ଜିଲ୍ଲା ବାରିଆ ଥାନା ଅନ୍ତର୍ଗତ ପୋଡସିମିଳା ଗାଁରେ ।

ଗାଁର କୁସ ନାୟକଙ୍କ ପୁଅ ସୁନୀଲ ନାୟକ ଗତ ସୋମବାର ଦିନ ବିବାହ କରିଥିଲେ । ଗୁରୁବାର ଚତୁର୍ଥୀ ଥିବାବେଳେ ହଠାତ ବାପା ଓ ପୁଅଙ୍କ ମଧ୍ୟରେ କୌଣସି କାରଣରୁ ବଚସା ଓ ପାଟିତୁଣ୍ଡ ହୋଇଥିଲା । ଏଥିରେ ହଠାତ ସୁନୀଲ ରାଗିଯାଇ ବାପା କୁସର ମୁହଁକୁ ଏକ କୋଦାଳରେ ହାଣି ହତ୍ୟା କରିଥିଲେ ।

ଖବର ପାଇ ବାରିଆ ପୋଲିସ ଘଟଣା ସ୍ଥଳେ ପହଞ୍ଚି ତଦନ୍ତ ଆରମ୍ଭ କରିଥିଲା । ହତ୍ୟାକାରୀ ସୁନୀଲକୁ ଗିରଫ କରିବା ସହ ହତ୍ୟାକାଣ୍ଡରେ ବ୍ୟବହୃତ କୋଦାଳକୁ ଜବତ କରିଛି ପୋଲିସ । ଏହାସହ ମୃତଦେହକୁ ବ୍ୟବଚ୍ଛେଦ ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଛି ପୋଲିସ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ