ଆନନ୍ଦପୁର: ବିଳମ୍ବିତ ରାତିରେ ସିରିଜ ଚୋରି । ଆନନ୍ଦପୁର ଉପଖଣ୍ଡ ଘଷିପୁରା ଥାନା ଅତାସାହି ଗାଁରେ ବିଳମ୍ବିତ ରାତିରେ ଚାରିଜଣଙ୍କ ଘରୁ ସୁନା ଗହଣା ସହ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ଅତାସାହି ଗାଁର ପୂର୍ଣ୍ଣଚନ୍ଦ୍ର ସାହୁ, ଗୋପୀନାଥ ସାହୁ, ରବୀନ୍ଦ୍ର ଜେନା ଓ ପୁନିଆ ଜେନାଙ୍କ ଘରୁ ଚୋର ଚୋରି କରିନେଇଥିବା ଅଭିଯୋଗ କରିଛନ୍ତି।
ଆନନ୍ଦପୁରରେ ସିରିଜ ଚୋରି, ମାଡମାରୀ ଟଙ୍କା ଲୁଟ
ପୂର୍ଣ୍ଣଚନ୍ଦ୍ର ଘରେ ଶୋଇଥିବା ବେଳେ ତିନି ଜଣ ଦୁର୍ବୃତ୍ତ ଘରେ ପଶି ସୁନା ଗହଣା ଓ ଟଙ୍କା ଚୋରି କରିବା ସହିତ ତାଙ୍କୁ ମାଡ଼ ମାରିଥିଲେ । ଏବଂ ତାଙ୍କ ସ୍ତ୍ରୀଙ୍କ କାନରୁ କାନଫୁଲ ଛିଡାଇ ନେଇ ଯାଇଥିବା ଅଭିଯୋଗ ହୋଇଛି । ଅନ୍ୟ ପରିବାର ଗୁଡିକରୁ ମଧ୍ୟ ସୁନା ଗହଣା ସହିତ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଚୋରଙ୍କୁ ଧରିବା ପାଇଁ ତଦନ୍ତ ଆରମ୍ଭ କରିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
