ଆନନ୍ଦପୁର: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଆଜି(ଶନିବାର) ପଞ୍ଚାୟତ ସମିତି ଚେୟାରମ୍ୟାନ ଆସନ ପାଇଁ ନିର୍ବାଚନ ଅନୁଷ୍ଠିତ ହୋଇଛି । କେନ୍ଦୁଝର ଜିଲ୍ଲାର ୧୮ ପଞ୍ଚାୟତ ବିଶିଷ୍ଟ ଆନନ୍ଦପୁର ବ୍ଲକରେ ୧୬ ଜଣ ସମିତି ସଭ୍ୟ ବ୍ଲକ ପରିସରରେ ପହଞ୍ଚି ନିର୍ବାଚନ ପ୍ରକ୍ରିୟାରେ ଭାଗ ନେଇଥିଲେ । ବାଇଲୋ ପଞ୍ଚାୟତର ସମିତି ସଭ୍ୟ ଅଞ୍ଜନା ବାରିକ ଏକମାତ୍ର ପ୍ରାର୍ଥିନୀ ଭାବେ ଚେୟାରମ୍ୟାନ ପାଇଁ ନାମାଙ୍କନ ପତ୍ର ଦାଖଲ କରିଥିଲେ । ଅଞ୍ଜନା ଏକମାତ୍ର ପ୍ରାର୍ଥୀ ଥିବାରୁ ତାଙ୍କୁ ଆନନ୍ଦପୁର ବ୍ଲକ ଚେୟାରମ୍ୟାନ ଭାବେ ଘୋଷଣା କରାଯାଇଛି ।
ସେହି ୩୧ଟି ପଞ୍ଚାୟତ ବିଶିଷ୍ଟ ହାଟଡିହି ବ୍ଲକରେ ଇଞ୍ଚୋଳ ପଞ୍ଚାୟତର ସମିତି ସଭ୍ୟା ସାବିତ୍ରୀ ସେଠୀ ଏକମାତ୍ର ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଥିଲେ । ତେଣୁ, ସାବିତ୍ରୀ ସେଠୀଙ୍କୁ ହାଟଡିହି ବ୍ଲକ ଚେୟାରମ୍ୟାନ ଭାବେ ଘୋଷଣା କରାଯାଇଛି । ସେହିପରି ୨୫ ପଞ୍ଚାୟତ ବିଶିଷ୍ଟ ଘସିପୁରା ବ୍ଲକରେ ଶାଳଦେଇ ପଞ୍ଚାୟତର ସମିତି ସଭ୍ୟା ସୁଜାତା ସାହୁ ଏକମାତ୍ର ପ୍ରାର୍ଥିନୀ ଭାବେ ନାମାଙ୍କନ ପତ୍ର ଦାଖଲ କରିଥିଲେ । ତେଣୁ ସୁଜାତା ସାହୁଙ୍କୁ ଘସିପୁରା ବ୍ଲକର ଚେୟାରମ୍ୟାନ ଭାବେ ଘୋଷଣା କରାଯାଇଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
