କେନ୍ଦୁଝର: ରାସ୍ତା ପାର ହେଉଥିବା ବେଳେ ବୃଦ୍ଧଙ୍କୁ ଧକ୍କା ମାରିଲା ସ୍କୁଲ ବସ । ଦୁର୍ଘଟଣା ଘଟିଛି କେନ୍ଦୁଝର ଜିଲ୍ଲା ତହସିଲ ଛକଠାରେ । ଉକ୍ତ ଦୁର୍ଘଟଣାରେ ବୃଦ୍ଧ ଗୁରୁତର ଅଛନ୍ତି । ବୃଦ୍ଧଙ୍କ ପରିଚୟ ପ୍ରଫୁଲ୍ଲ ବେହେରା ଏବଂ ସେ ସଦର ଥାନା ଅନ୍ତର୍ଗତ ବଉଳମାଳ ଅଞ୍ଚଳର ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ଅନୁସାରେ ଶୁଆକାଠିସ୍ଥିତ ଓଏମସି ଖଣିର ସ୍କୁଲ ବସଟି ଛାତ୍ରଛାତ୍ରୀଙ୍କୁ ନେଇ ସ୍କୁଲରୁ ଫେରୁଥିଲା । ଏହି ସମୟରେ ସ୍ଥାନୀୟ ତହସିଲ କାର୍ଯ୍ୟାଳୟ ଛକଠାରେ ଏକ ବୃଦ୍ଧ ରାସ୍ତା ପାର ହେଉଥିଲେ । ହଠାତ ସ୍କୁଲ ବସଟି ତାଙ୍କ ପଛପଟୁ ଆସି ଧକ୍କା ମାରିଥିଲା । ଫଳରେ ଘଟଣାସ୍ଥଳରେ ବୃଦ୍ଧ ଜଣଙ୍କ ଆହତ ହୋଇପଡିଲେ । ତାଙ୍କୁ ଗୁରୁତର ଅବସ୍ଥାରେ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
