ଆନନ୍ଦପୁର: ଟ୍ରକକୁ ପଛରୁ ପିଟିଲା ଟ୍ରକ । ଘଟଣାସ୍ଥଳରେ୨ଜଣଙ୍କ ମୃତ୍ୟୁ ଘଟିଛି । ଦୁର୍ଘଟଣା ଘଟିଛି ଘସିପୁରା ଥାନା୨୦ ନମ୍ବର ଜାତୀୟ ରାଜପଥ ବୀରଗୋବିନ୍ଦପୁର ନିକଟରେ ।
ଟ୍ରକକୁ ପଛରୁ ପିଟିଲା ଟ୍ରକ, 2 ମୃତ
ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଗୋଟିଏ ଟ୍ରକ ଡ୍ରାଇଭର୍ ଓ ହେଲପର୍ ଗାଡ଼ି ରଖି ଟ୍ରକର ଚକା ଖୋଲୁଥିବା ବେଳେ ପଛରୁ ଅନ୍ୟ ଏକ ଟ୍ରକ ୨ ଜଣଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ୨ ଜଣଙ୍କର ମୃତ୍ୟୁ ଘଟିଥିଲା । ମୃତକ ୨ ଜଣ କେନ୍ଦୁଝର ଜିଲ୍ଲା ଆନନ୍ଦପୁର ଥାନା ତରତରା ଗାଁର ଲିପୁନ ନାଏକ ଓ ପପୁନ ଘଡ଼େଇ ବୋଲି ଜଣା ପଡ଼ିଛି । ଖବର ପାଇ ଘସିପୁରା ପୋଲିସ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ ଜବତ କରିଛି । ଏହିସହ ୨ ମୃତଦେହ ଉଦ୍ଧାର କରି ଅଧିକ ତଦନ୍ତ ଜାରି ରଖିଛି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
