କେନ୍ଦୁଝର: ଜିଲ୍ଲାର ଟାଉନ ଥାନା ଅନ୍ତର୍ଗତ ସିରିପୁର ଠାରେ ଗୋଟିଏ ଜୁଆ ଆଡ୍ଡାରେ ଚଢ଼ାଉ କରିଛି ପୋଲିସ । ଘଟଣାରେ 10 ଜଣଙ୍କୁ ପୋଲିସ ଗିରଫ କରିବା ସହ 13 ହଜାର ଟଙ୍କା, 3ଟି ବାଇକ ଏବଂ 8 ଟି ମୋବାଇଲ ଜବତ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୋମବାର ବିଳମ୍ବିତ ରାତିରେ ସିରିପୁରର ଏକ ସ୍ଥାନରେ କିଛି ଲୋକ ଜୁଆ ଖେଳୁଥିବା ଖବର ପାଇ ପୁଲିସ ଅତର୍କିତ ଚଢ଼ାଉ କରିଥିଲା। ଚଢ଼ାଉ ସମୟରେ ଅନ୍ଧାରର ସୁଯୋଗ ନେଇ କିଛି ଜୁଆଡିଆ ଖସି ପଳାଇଥିବା ବେଳେ 10 ଜଣଙ୍କୁ କାବୁ କରିଥିଲା ପୋଲିସ ।
ସେମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି । ସମସ୍ତ ଅଭିଯୁକ୍ତ ଓଡିଶା ବାହାରର ହୋଇଥିବା ବେଳେ ଜିଲ୍ଲାରେ ବିଭିନ୍ନ ସ୍ଥାନରେ ଘର ଶ୍ରମିକ ଭାବେ କାର୍ଯ୍ୟ କରୁଥିଲେ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
