କେନ୍ଦୁଝର: ଜିଲ୍ଲାର ଦୈତାରୀ ଥାନା ଅଞ୍ଚଳରେ ବସ ଉପରକୁ ତୀରମାଡ଼ । ମଙ୍ଗଳବାର ରାତି ବେଳେ ଉତ୍ତମ କୁମାର ମହାନ୍ତ ନାମକ ଜଣେ ବ୍ୟକ୍ତି କେସିସି ବସରେ ଫେରୁଥିବା ବେଳେ ବଳି ପର୍ବତ ନିକଟସ୍ଥ ସ୍ବାଗତଂ ଗେଟ ପାଖରେ ବସ ଉପରକୁ ତୀର ମାଡ଼ ହୋଇଥିଲା ।
ତୀରଟି ଉତ୍ତମଙ୍କ ଦେହରେ ବାଜିଥିବା ଜଣାପଡିଛି । ସେ ବସର ଆଗ ସିଟରେ ବସିଥିଲେ । ତୀରଟି ସାମ୍ନା ପଟୁ ଆସି ଉତ୍ତମଙ୍କ ଦେହରେ ବାଜିଥିଲା। ଗୁରୁତର ଅବସ୍ଥାରେ ଦୁବୁରି ସ୍ଥିତ ଟାଟା ହସ୍ପିଟାଲରେ ଭର୍ତ୍ତି କରାଯାଇଛି। ଆହତ ଜଣଙ୍କ ଏକ ଘରୋଇ କମ୍ପାନୀରେ କାମ କରୁଥିଲେ ବୋଲି ଜଣାପଡିଛି।
ଭିଡିଓ ସୌଜନ୍ୟ- ସମ୍ବାଦଦାତା, କେନ୍ଦୁଝର
ଏ ବାବଦରେ ଦୈତାରୀ ଥାନା ଅଧିକାରୀଙ୍କୁ ଫୋନରେ ପଚରାଯିବାରୁ ଏଭଳି ଏକ ଘଟଣା ଘଟିଥିବା ସୂଚନା ମିଳିଛି କିନ୍ତୁ କିଛି ଲିଖିତ ଅଭିଯୋଗ ମିଳିନାହିଁ ବୋଲି କହିଥିଲେ । ତେବେ ଆହତଙ୍କୁ ପ୍ରଥମେ ଚିକିତ୍ସା କରାଇବା ପାଇଁ କୁହାଯାଇଛି, ପରେ ଘଟଣା ସମ୍ପର୍କରେ ଅନୁସନ୍ଧାନ କରାଯିବ ବୋଲି ପ୍ରକାଶ କରିଥିଲେ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
