କେନ୍ଦୁଝର: ପୁଣି ବଜ୍ରାପାତ ନେଲା ଜଣଙ୍କର ଜୀବନ । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ଅନ୍ତର୍ଗତ ସାନଯୋଡ଼ା ଗାଁରେ । ବିଳମ୍ବିତ ରାତିରେ ଏଭଳି ଅଘଟଣା ଘଟିଥିବା ସୂଚନା ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ଅନୁସାରେ ଶନିବାର ବିଳମ୍ବିତ ସାନଯୋଡ଼ା ଗ୍ରାମର ତିନି ଜଣ ଯୁବକ ମୋଟର ସାଇକେଲରେ ଫେରୁଥିଲେ । ପ୍ରବଳ ବର୍ଷା ହେବାରୁ ଜାମଦା ନିକଟରେ ଜଣେ ବ୍ୟକ୍ତିଙ୍କ ଘରେ ଠିଆ ହୋଇଥିଲେ । ହଠାତ ସେହି ସମୟରେ ବଜ୍ରାପାତ ହୋଇଥିଲା । ଫଳରେ ଘଟଣାସ୍ଥଳରେ ଜଣକ ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
