ଆନନ୍ଦପୁର: ମର୍ମନ୍ତୁଦ ସଡକ ଦୁର୍ଘଟଣାରେ ସରକାରୀ ଅଧିକାରୀଙ୍କ ମୃତ୍ୟୁ । ଦିଲ୍ଲୀରୁ କେନ୍ଦୁଝର ଜିଲ୍ଲାକୁ ଜାତୀୟ ମାନ ନିର୍ଦ୍ଧାରଣର ଅଧିକାରୀ ଗୁହାର ଚନ୍ଦ ପନୱାର ଆସିଥିବାବେଳେ ଗତକାଲି ଏକ କାର ଯୋଗେ ଭୁବନେଶ୍ୱର ବିମାନବନ୍ଦରକୁ ଯାତ୍ରା କରୁଥିଲେ । ଏହି ସମୟରେ ଆନନ୍ଦପୁର ଜାତୀୟ ରାଜପଥ ଦରଖଳା ନିକଟରେ ଛିଡା ହୋଇଥିବା ଏକ ଟ୍ରକ ଭାରସାମ୍ୟ ହରାଇ ତାଙ୍କ କାରକୁ ପଛପଟୁ ଧକ୍କା ଦେଇଥିଲା । ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଅଧିକାରୀ ଜଣଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ହେଲେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି ।
ଦିଲ୍ଲୀରୁ ଆସିଥିଲେ କେନ୍ଦୁଝର, ଦୁର୍ଘଟଣାରେ ସରକାରୀ ଅଧିକାରୀଙ୍କ ମୃତ୍ୟୁ
କିଛିଦିନ ତଳେ ସେ କେନ୍ଦୁଝର ଜିଲ୍ଲାକୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ନିର୍ମିତ ରାସ୍ତା ଗୁଡିକର ତଦାରଖ କରିବାକୁ ଆସିଥିଲେ । ସେ ପୂର୍ବରୁ ଅତିରିକ୍ତ ମୁଖ୍ୟ ଯନ୍ତ୍ରୀ ପୂର୍ତ୍ତ ବିଭାଗ ରାଜସ୍ଥାନରେ କାର୍ଯ୍ୟରତ ଥିଲେ ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
