କେନ୍ଦୁଝର: ଜିଲ୍ଲାର ଏବେ ସବୁ ରେଞ୍ଜରେ ହାତୀ ଆତଙ୍କ ଦେଖିବାକୁ ମିଳିଛି । କେଉଁଠି ଘର ଭାଙ୍ଗୁଛନ୍ତି, ତ କେଉଁଠି ଚାଉଳ ଖାଇ ଫସଲ ନଷ୍ଟ କରୁଛନ୍ତି ହାତୀ । ତେବେ ଆଜି କେନ୍ଦୁଝର ସହର ନିକଟରେ ଦଶରୁ ଊର୍ଦ୍ଧ୍ବ ହାତୀ ଫସଲ ନଷ୍ଟ କରି ତାଣ୍ଡବ ଲୀଳା ମଚାଇଥିବା ଦେଖିବାକୁ ମିଳିଛି ।
ହାତୀପଲଙ୍କୁ ଦେଖି ସ୍ଥାନୀୟ ଅଞ୍ଚଳରେ କୋକୁଆ ଭୟ ଖେଳି ଯାଇଛି । ଲୋକଙ୍କୁ ହାତୀ ପାଖକୁ ନ ଯିବା ପାଇଁ ମାଇକ ଯୋଗେ ସୂଚାଇ ଦିଆଯାଉଛି । ଗ୍ରାମବାସୀଙ୍କୁ ଜଙ୍ଗଲ ଭିତରକୁ ଯାଇ ହାତୀଙ୍କ ସହ ନ ଲାଗି ତାଙ୍କୁ ଉତ୍ତେଜିତ ନ କରିବାକୁ ଡାକବାଜି ଯନ୍ତ୍ରରେ ପ୍ରଚାର କରୁଛନ୍ତି ବନବିଭାଗ କର୍ମଚାରୀ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସେପଟେ ହାତୀପଲଙ୍କୁ ଜମୁଣାଳିଆ ଜଙ୍ଗଲ ଦେଇ ମୈଦାନକେଲ ଜଙ୍ଗଲକୁ ତଡିବାକୁ ଚେଷ୍ଟା ଜାରି ରଖିଛି ବନ ବିଭାଗ । ସୂଚନା ଥାଉକି, ହାତୀ ଆକ୍ରମଣରେ କିଛି ଦିନ ଭିତରେ 10ରୁ ଅଧିକ ଜୀବନ ଗଲାଣି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
