କେନ୍ଦୁଝର: ଭାଇ- ଭଉଣୀର ପବିତ୍ର ସମ୍ପର୍କରେ ଲାଗିଲା କଳଙ୍କର ଦାଗ । ନିଜର କାମନା ପାଇଁ ସମ୍ପର୍କକୁ ଜଳାଞ୍ଜଳି ଦେଇଛି ଜଣେ ସମ୍ପର୍କୀୟ ଭାଇ । କେନ୍ଦୁଝର ଜିଲ୍ଲା ଚମ୍ପୁଆ ଥାନା ଅଞ୍ଚଳରେ ଘଟିଛି ଏଭଳି ଲଜ୍ଜାକର ଘଟଣା ।
ଜଣେ 16 ବର୍ଷର ନାବାଳକ ନିଜ ସମ୍ପର୍କୀୟ ନାବାଳିକା ଭଉଣୀକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଅଭିଯୋଗ ପାଇବା ପରେ ଘଟଣାର ଛାନଭିନ୍ କରିଛି ଚମ୍ପୁଆ ପୋଲିସ । ସୂଚନା ଅନୁଯାୟୀ, ପୀଡିତା ଜଣକ ସମ୍ପର୍କୀୟ ବଡବାପା ଘରକୁ ଫୁଲ ତୋଳିବାକୁ ଯାଇଥିଲେ । କଣ୍ଢେଇ ଦେଖାଇବା ବାହାନାରେ ସମ୍ପର୍କୀୟ ଭାଇ ଘରୁ ଡାକି ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଏନେଇ ପୀଡିତାଙ୍କ ମାଆ ଚମ୍ପୁଆ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ପୀଡିତାର ବୟାନ ରେକର୍ଡ କରିବା ସହ ଉଭୟଙ୍କୁ ଡାକ୍ତରୀ ମାଇନା ପାଇଁ ପଠାଇଛି । ଘଟଣାର ଅଧିକ ତଦନ୍ତ ଚାଲିଥିବା ନେଇ କହିଛନ୍ତି ଚମ୍ପୁଆ ଥାନା ଅଧିକାରୀ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
